وفاقی  وزیر منصوبہ بندی ءُ دیمروئی ءَ UNDP ءِ  ایڈمنسٹریٹر  ءَ گوں گند ءُ نند کتگ، دیمروئی ءِ شریکداری ءَ را مھکم کنگ ءِ سر ءَ تپاک

اقوام متحدہ۔14جولائی  (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ نیویارک ءَ اقوام متحدہ ءِ دیمروئی پروگرام ءِ ایڈمنسٹریٹر  الیگزینڈر ڈی کرو ءَ گوں گند ءُ نند کت ایشی ءِ تہ ءَ پاکستان ءِ دیمروئی ءِ اولویت ءُ پاکستان ءُ اقوام متحدہ ءِ دیریں شریکداری ءِ نیام ءَ گیش مھکم کنگ ءِ جتا جتائیں تک ءُ پھنات آنی سر ءَ ھیال ءُ لیکہ ءِ درشان کت۔ سئے شمبے ءِ روچ ءَ وزارت ءِ منصوبگ بندی، دیمروئی ءُ اصلاحات ءِ نیمگ ءَ جاڑی بوتگیں پریس ریلیز ءِ رد ءَ اے موہ ءِ سر ءَ وفاقی وزیر ءَ یو این ڈی پی ءِ گوما مھکمیں شریکداری ءِ پاکستان ءِ جزم ءِ سر ءَ زور پر دات ءُ راجی دیمروئی ءِ ایجنڈا ءِ سرجمی ءَ تنظیم ءِ برجاھیں کمک ءِ ساڑات کت۔ آئی ءَ گوشت کہ پاکستان ءِ دیمروئی ءِ حکمت عملی ’’اُران پاکستان‘‘ پروگرام ءِ سر ءَ بنیات اِنت، ایشی ءِ بنیات ءَ پنچ ترجیحی بن پد  اَنت، ایشی ءِ تہ ءَ برآمدات، ڈیجیٹلائزیشن، چاگرد، توان ءُ مساوات ھوار اَنت۔ پروفیسر احسن اقبال ءَ یونی ڈی پی ءِ وزارت ءِ منصوبہ بندی ءِ گوما دیریں کمک ءِ توسیپ کنان ءَ گوشت کہ اے ادارگ ءَ SDG ءِ کمکی یونٹ آنی وسیلگ ءَ پائیدار دیمروئی ءِ مول ءُ مراد آناں بنجاہی تک ءَ دیم دیگ ءُ 2025 ءِ SDG ءِ کثیر جماعتی گپ ءُ تران ءِ برجم دارگ ءَ مزنیں کرد پیلو کتگ۔ گند ءُ نند ءَ پاکستان ءِ ’’ایس ڈی جی پلس پروگرام‘‘ ءِ سر ءَ ھم گپ ءُ تران کنگ بوت کہ ایشی ءِ مول ءُ مراد پائیدار دیمروئی ءِ مول ءُ مراد آنی سر ءَ عمل کنگ ءِ واستہ گیش موثر شمولیت ءُ بنجاھی تک ءِ رھبند ءِ آرگ اِنت۔ دوئیں رہشون آناں اے گپ ءِ سر ءَ تپاک کت کہ ایس ڈی جی ءِ مول ءُ مراد آناں دمگی چاگرد آنی تہ ءَ سر کنگ ءِ واستہ صوبائی تک ءَ عملدرآمد ءِ میکانزم ءَ را گیش مھکم کنگ المی اِنت۔ وفاقی وزیر ءَ یو این ڈی پی ءِ منتظم ءَ را سرپد کت کہ راجی اقتصادی کونسل ءَ کلیدی چاگردی اشارہ آنی سر ءَ صوبگ آنی کارکردگی ءِ سر ءَ سہ ماہی چار ءُ تپاسی کنگ ءِ پیسلہ کتگ پرچا کہ انسانی دیمروئی ءَ گوں سیادی داروکیں بازیں پڑ صوبائی حکومت آنی ذمہ واری اِنت۔ الیگزینڈر ڈی کرو ءَ پائیدار دیمروئی ءِ مول ءُ مراد آنی جوانیں رنگ ءَ سرجمی ءِ واستہ پاکستان ءِ ادارگی اصلاحات آناں ساڑات ءُ پاکستان ءِ پائیدار دیمروئی ءِ ایجنڈا ءِ کمک ءَ را برجاہ دارگ ءِ وتی جزم ءِ سر ءَ پدا زور دات۔ پروفیسر احسن اقبال ءَ گوشت کہ پاکستان ءِ دیمروئی ءِ مول ءُ مراد ڈیبٹ سروسنگ ءُ کمیں مالیاتی گنجائش ءِ سبب ءَ چیلنج آنی دیم ءَ انت۔ آئی ءَ امیت سہرا کت کہ یو این ڈی پی پاکستان ءَ را دیمروئی ءُ موسم دوستیں مالیاتی وسیلگ آنی پجاری ءِ واستہ ھاسیں رنگ ءَ ایس ڈی جی ءِ رد ءَ سرمایہ کاری ءِ دیمروئی ءِ واستہ وتی کمک ءَ را برجاہ دار ایت۔ وفاقی وزیر ءَ موسمی بدلی ءِ سبب ءَ پاکستان ءِ دیم ءَ گیش بوھوکیں ھترہ آنی ذکر کنان ءَ 2022ءِ تباہ کنوکیں سیلاب ءَ پد ریلیف ءُ بحالی ءِ کار آنی تہ ءَ یو این ڈی پی ءِ کرد ءِ توسیپ کت، موسمیاتی لچکدار پاکستان کانفرنس ءِ برجائی ءُ لچکدار ریکوری اینڈ ریہاکونسٹرکشن ایف4 آر ایف ءِ کارروائی ءِ سر ءَ عمل درآمد ءِ سر ءَ توسیپ کت۔ آئی ءَ پاکستان ءِ ڈیموگرافک ءُ روزگار ءِ چیلنج آناں گیواری ءِ واستہ برفانی پگھار ءِ پسو ءِ منصوبگ، گریبی ءِ ھلاسی، روزگار ءِ پیداک کنگ ءُ دراجیں مدتی موسمیاتی لچک ءِ جوڑیشت ءِ پڑ آنی تہ ءَ کمک ءَ را گیش گیش کنگ ءِ ضلورت ءِ سر ءَ زور پر دات۔ وفاقی وزیر ءَ مالی جیڈھ آنی باوجود پاکستان ءَ وتی ھستیں جاہ ءَ برجاہ دارگ ءِ سر ءَ یو این ڈی پی ءِ توسیپ کت بلے تنظیم ءَ را داتگیں فنڈنگ ​​ءِ تہ ءَ مزنیں کمی ءِ سر ءَ جیڈھ ءِ درشانی کت ءُ گوشت کہ اقوام متحدہ ءِ دیمروئی ءِ نظام ءَ برجاھیں اصلاحات آنی سبب ءَ دیمروئی کنوکیں ملک ھاسیں رنگ ءَ پاکستان ءِ کمک ءَ را گیش کنگ بہ بیت ءُ کمی نہ بیت۔ آئی ءَ اے گپ ءِ سر ءَ زور پر دات کہ یو این ڈی پی ءِ ادارگی دیمروئی ءِ مینڈیٹ ءَ را گیش مھکم کنگ بہ بیت ءُ ملکی تک ءِ کمک ءَ را راجی اولویت آنی گوما ھمگرنچ کنگ بہ بیت۔ وفاقی وزیر ءَ ناروے ءِ ولی عہد ءِ پاکستان ءِ آیوکیں تر ءُ تاب ءَ را وش اتک کت ءُ امیت سہرا کت کہ اے تر ءُ تاب ءَ چہ پاکستان ءِ دیمروئی ءِ اولویت آناں جھان ءِ تک ءَ گیش پدر کنگ ءَ کمک رسیت۔ پروفیسر احسن اقبال ءَ پاکستان ءِ مزن وزیر ءِ نیمگ ءَ الیگزینڈر ڈی کرو ءَ را ھم پاکستان ءِ تر ءُ تاب ءِ دعوت دات۔ گند ءُ نند ءِ گڈ ءَ دوئیں نیمگاں پاکستان ءِ برجائی ءِ مول ءُ مراد آنی سرجمی ءِ واستہ ملک ءِ تہ ءَ ءُ اقوام متحدہ ءِ ہیڈ کوارٹر ءِ تک ءَ یکوئی کمک ءَ را گیش ءُ گیوار کنگ ءِ وتی جزم ءِ پدر کنگ بوت۔