پمز  ملک ءِ مزنیں ریفرل ہسپتال انت، روچے ہفت ءَ چہ نو ہزار نادراہ علاج ءِ ہاترا کاینت، وفاقی وزیر ءِ راجی جان سلامتی

اسلام آباد۔14جولائی  (اے پی پی): راجی جان سلامتی ءِ وفاقی وزیر سید مصطفیٰ کمال ءَ گوشت کہ پمز  ملک ءِ مزنیں ریفرل ہسپتال انت کہ ایشی ءِ تہ ءَ روچے ھپت ءَ چہ نو ھزار نادراہ علاج ءِ واستہ کاینت وھدیکہ نادراہ ءُ حاضرین ءِ کلیں کساس 30 ءَ چہ 40 ھزار ءَ سر بیت۔ سئے شمبے ءِ روچ ءَ جاڑی بوتگیں بیان ءِ تہ ءَ وزیر جان سلامتی ءَ گوشت کہ مزنیں اسپتال آنی سر ءَ گیش بوھوکیں زور ءِ سبب ءَ حکومت اسلام آباد ءَ 28بنیادی جان سلامتی مراگش آناں کارآمد ءُ نوک جوڑ کنگ ءِ واستہ کار کنگ ءَ انت تانکہ عام نادراھی آنی علاج بنجاہی تک ءَ کنگ بہ بیت ءُ مزنیں اسپتال آنی سر ءَ بار کم کنگ بہ بیت۔ آئی ءَ گوشت کہ پاکستان ءِ اولی سرکاری شوبگ ءِ پلسڈ فیلڈ ایبلیشن پروگرام ءُ پمز کارڈیک سینٹر ءِ اپ گریڈیشن ءِ اولی بھر پمز ءَ سرجم کنگ بوتگ ءُ ایمرجنسی ڈیپارٹمنٹ ءَ پیٹینٹ فیسیلیٹیشن اسسٹنٹ سروس ھم بندات کنگ بوتگ۔ آئی ءَ گوشت کہ پمز کارڈیک سینٹر ءِ تہ ءَ گیشی ءِ واستہ 7.2ارب کلدار ھرچ بوتگ وھدیکہ دگہ 9لکھ کلدار ءِ سرمایہ کاری ءَ گوں ایشی ءَ را نوکیں کارڈیک ٹیکنالوجی ءَ گوں لیس کنگ بوتگ ایشی ءِ تہ ءَ مستحقیں نادراہ آناں مفت علاج کنگ بیت۔ اے پروگرام ءِ چیر دستی ءَ دل ءِ نادراہی ءِ آماچیں 4 نادراہ دنیا ءِ نوکیں کیتھیٹر ابلیشن ٹیکنالوجی ءِ کمک ءَ سوبمندیں رنگے ءَ علاج کنگ بوتگ انت۔ اے نادراہانی تہ ءَ اسلام آباد ، آزات کشمیر ءُ مردان ءِ مردم ھم ھوار اَنت ۔ پمز ءِ ماہرین ءِ رد ءَ پلسڈ فیلڈ ابلیشن روایتی ریڈیو فریکوئنسی ءُ کرائیو ابلیشن ءَ چہ گیش ایمن تریں، گیشتر کارآمد ءُ تیز تریں علاج ءِ رھبند اِنت کہ ایشی ءِ سبب ءَ کش ءُ گور ءِ جان سلامتیں بافتاں کم چہ کم تاوان رسیت، پیچیدگیانی ھترہ کم بیت ءُ نادراہ زوت وش بیت۔