نائب مزن وزیر ءُ دری کارانی وزیر سینیٹر محمد اسحاق ڈار ءَ گوستگیں شپ ءَ بنگلہ دیش ءِ زھگ ، زالبول ءُ چاگردی وشھالی ءِ وزیر ڈاکٹر اے زیم زاہد حسین ءَ گوں گند ءُ نند

اسلام آباد۔14جولائی  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوستگیں شپ ءَ بنگلہ دیش ءِ زھگ ءُ زالبول ءُ چاگردی گہبود ءِ وزیر ڈاکٹر آز ایم زاہد حسین ءَ گوں گند ءُ نند کت۔ سئے شمبے ءِ روچ ءَ وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ درئی کار ءِ وزیر ءَ ڈاکٹر زاہد حسین ءَ را اسلام آباد ءَ برجم داشتگیں زالبولانی ھوالگ ءَ او آئی سی ءِ وزارتی کانفرنس ءِ 9می دیوان ءَ بھر زوری ءِ واستہ پاکستان ءَ آیگ ءِ سر ءَ وش آتک کتگ۔ آئی ءَ کانفرنس ءِ تہ ءَ بنگلہ دیش ءِ بھر زوری ءِ توسیپ کت ءُ او آئی سی ءِ فریم ورک ءِ تہ ءَ ءُ ایشی ءَ چہ در زالبول آنی وت مستری کنگ ءِ واستہ کمک ءِ دیمروئی ءِ واستہ پاکستان ءِ مھکمیں جزم ءِ سر ءَ زور پر دات۔ گوستگیں سال ءِ اگست ءَ ڈھاکہ ءِ تر ءُ تاب ءِ یات ءَ نائب مزن وزیر ءُ دری کارانی وزیر ءَ پاکستان ءُ بنگلہ دیش ءِ نیام ءَ دو نیمگی سیادی ءَ را گیش مھکم کنگ ءِ واستہ وتی جزم ءِ سر ءَ زور پر دات ءُ وت مہ وتی مفاد ءِ جتا جتائیں شوبگ آنی تہ ءَ کمک ءَ را گیش مھکم کنگ ءِ واستہ پاکستان ءِ تیاری ءِ سر ءَ زور پر دات۔ گند ءُ نند ءِ ساھت ءَ دوئیں راہشون آں تجارت، وانگ ءُ زانگ، چاگردی گہبود ءُ الس ءِ نیام ءَ رابطہ ءَ ھوار جتا جتائیں شوبگ آنی تہ ءَ دو نیمگی کمک ءَ را دیمروئی دیگ ءِ ھوالگ ءَ گپ ءُ تران کت۔