تحریک انصاف نا سروک عمران خان دھرنہ سیاست نا سوب معیشت ئِ بے پناہ نسخان رسیفے، چوہدری برجیس طاہر

میر پور۔ 19جولائی (ا ے پی پی) بنجائی وزیر امور کشمیر وگلگت بلتستان چوہدری محمد برجیس طاہر پارینے کہ تحریک انصاف نا سروک عمران خان تینا دھرنہ سیاست نا سوب پاکستانی معیشت ئِ بے پناہ نسخان رسیفے، میر پور اٹی پی ٹی آئی اومیت دار بیرسٹر سلطان محمود پارٹی بدلیفوک ئُ بندغ اسے ، داوڑنا بندغ آک الس نا امہ خذمت ئِ کننگ کیرہ۔ میر پوراٹی سوئی گیس تون اوار ایلو شونداری کاریم تے گچین کاری تیٹی سرسہبی آن پد شروع کینہ۔ داکاریم تے مست کروئی ئسک ولے الیکشن نا شیڈول جاری مننگ نا سوب شروع کرفنگ توس۔ 21جولائی آ نہ صرف میر پور بلکن مچ آ آزاد کشمیر اٹی مسلم لیگ (ن) سرسہبی دوئی کیک۔ او تدوک آدے میر پور اٹی بھلو السی مچی اسینا تران کریکہ۔ بنجائی وزیر پارے کہ میر پور اٹی انسان تا سمند ر مچ ئِ ، 21جولائی دور انا ہیت اسے داکان اینو آن ہی پی ٹی آئی نا جنازہ ئِ کشنگانے۔ اوپارے کہ داڑے جلسہ غاتے ٹی مسلم لیگ (ن) نا ورکرز آتا بھلو کچ اس خنسا ظاہر مریک کہ 21جولائی آ آزاد کشمیر نا گچین کاری تے ٹی پاکستان مسلم لیگ (ن) غٹ سیٹ آتیا صفا سرسہبی دوئی کیک و داحلقہ ٹی غٹ آن زیات وونٹ مسلم لیگ (ن) نا اومیت دار چوہدری سعید دوئی کیک۔ میر پوراٹی مسلم لیگ (ن) نا اومیت دار نا ٹکٹ نا بابت پارلیمانی بورڈ ، ہرانا ای تینٹ ہم بشخ اریٹ، مسہ پن وزیراعظم نواز شریف ئِ گدریفین۔ ننا قائد میر پور حلقہ کن چوہدری سعید ئِ ٹکٹ تس و ہرااومیت دار آتے ٹکٹ ملیتو اوہم دافیصلہ غان اتفاق کریر۔ اوپارے کہ وزیراعظم محمد نواز شریف ئِ کشمیر نا دورہ ئِ کروئی ئس ولے است انا آپریشن نا سوب او سفر کننگ کپک ہنداخاطران اودا کلہو ئِ تسنے کہ مسلم لیگ (ن) نا اومیت دار چوہدری سعید ئِ سرسہب کرفنگے۔ اوپارے کہ داڑے اونا مقابلہ ٹی بیرسٹر سلطان محمود الیکشن آتے ٹی سلوک ئِ ہرا اسہ ہندن ئُ شخصیت اسے ہرا ہردے پارٹی ئِ بدلیفک ۔ اوپاکستان نا اسہ سیاسی پارٹی اسے ہم ہلیتنے ، صرف ایم کیو ایم سلوک ئِ اوٹی ہم او اوار مریک۔ اوپارے کہ عمران خان تینا دھرنہ سیاست نا سوب ملکی معیشت ئِ بے پناہ نسخان تسنے ، ہرا شونداری ڈٹ آتے مست آن شروع مروئی ئسک اوفتا بناءدھرنہ غاتا سوب آن ہرے ئی نا گواچی مس۔