کوئٹہ۔ 19جولائی (اے پی پی) بنجائی وزیر سیمی و ریاستیں امور لیفٹیننٹ جنرل (ر) عبدالقادر بلوچ پارینے کہ مچ آ ملک آمبار بلوچستان نا غٹ ضلع و تحصیل ہیڈ کوارٹراٹی کشمیر ی تتون یکجہتی نا درشانی و بھارتی ظلم انا برخلاف 20جولائی آ یوم سیاہ اڈتننگک۔ بھارت بزور واک کشمیری تا جوزہ آجوئی ئِ پین توننگ کپک، پاکستان و کشمیر الم و المی ئِ۔ داہیت ئِ او سے شنبے آ ”اے پی پی“ تون ہیت وگپ کرسا پارے۔ بنجائی وزیر سیمی و ریاستیں امور لیفٹیننٹ جنرل (ر) عبدالقادر بلوچ پارے کہ مقبوضہ کشمیر اٹی بھارتی فوج ظلم و بربریت نا انتہائِ کرینے پاکستانی قوم انا است اینو ہم مظلوم کشمیری الس تون دھڑکک، ہزار آ شہید آتا خون و قربانیک گم مفسہ۔ کشمیرپاکستان نا شہ رغ ئِ و مچ قوم کشمیری تتون سلوک ئِ ۔ اوپارے کہ بنجائی حکومت کشمیری تا سیاسی اخلاقی و سفارتی مخ تفی ئِ برجاتخک ۔ بنجائی وزیر عبدالقادر بلوچ پارے کہ کشمیری تے حق خودارادیت ترفنگ کن اقوام متحدہ نا قرارداد آتیا بایدے عمل کننگے۔
