اسلام آباد۔ 19جولائی (اے پی پی) چیف جسٹس سندھ ہائی کورٹ نا برمتہ مروک مار اویس شاہ ئِ بحفاظت بازیاب کرفنگانے۔ سے شنبے آ اسہ نجی ٹی وی چینل اسے نا رداٹ ڈی جی آئی ایس پی آر عاصم سلیم باجوہ تینا ٹوئٹ اٹی پارینے کہ چیف جسٹس سندھ ہائی کورٹ نا مار اویس شاہ ایڈووکیٹ ئِ صوبہ خیبر پختونخواہ نا علاقہ ٹانک اٹی اسہ آپریشن اسینا وخت آ بازیاب کرفنگا۔ اودیم احوال آتا بنداو آ کروک آ کارروائی نا وخت 3دہشت گرد ہم تپاخت کرینو۔ پاک فوج انا ترجمان نا رداٹ اویس شاہ سیکورٹی فورسز آتا حفاظت اٹی ئِ و اویس شاہ ئِ زوت اونا لمہ و باوہ نا حوالہ کننگک۔ رپورٹ نا رداٹ چیف جسٹس سندھ ہائی کورٹ نا ہنکین نا پیشن سیکورٹی ئِ سخت کننگانے۔ ارٹ میکو کنڈ آرمی چیف جنرل راحیل شریف انٹیلی جنس ادارہ و سیکورٹی فورسز آتے سرسہب کارروائی آ مبارکبادی تسنے۔ گورنر سندھ عشرت العباد اویس شاہ نا بازیابی آ است جمی نا درشانی ئِ کرسا جسٹس سجادعلی شاہ ئِ فون آ مبارکبادی تسنے۔ گورنر سندھ پاک فوج ئِ سرسہب کارروائی آ مبارکباد پیش کرے۔
