وزیر خزانہ محمد اورنگزیب ءَ برطانیہ ءِ پارلیمانی انڈر سیکرٹری آف اسٹیٹ ءَ گوں گند ءُ نند کتگ، دو نیمگی اقتصادی کمک ءَ را گیش مھکم کنگ ءِ ھاتر ءَ گپ ءُ تران

اسلام آباد۔16جون  (اے پی پی): وفاقی وزیر خزانہ سینیٹر  محمد اورنگزیب ءَ گوشت کہ خطہ ءَ دراجیں بے رھبندی ءِ سبب ءَ اقتصادی اعتماد، توانائی ءِ مارکیٹ، سپلائی چین ءُ نوکیں معیشت آنی دیمروئی ءِ آسراتی آناں تاوان رسیت۔ اصلاحاتی ایجنڈا ءِ مول ءُ مراد ایوک ءَ آمدنی ءَ را گیش کنگ نہ اِنت بلکیں ساپ ءُ سلہیت ءِ دیمروئی، وتی مرضی ءِ مداخلت ءَ را کم کنگ ءُ شہری، کاروباری ادارگ ءُ ریاستی ادارگ آنی نیام ءَ اعتماد ءَ را گیش مھکم کنگ اِنت۔ آئی ءَ اے گپ میاں اوستمانی ، اوگانستان ءُ پاکستان ءِ واستہ برطانیہ  ءِ  پارلیمانی انڈر سیکرٹری آف اسٹیٹ فار مڈل ایسٹ، افغانستا ن اینڈ پاکستان ہیمش فالکنر  ءَ گوں گند ءُ نند کت۔ گند ءُ نند ءَ پاکستان ءَ   برطانیہ  ءِ  ہائی کمشنر  جین میریٹ  ءَ ابید   ایلس ڈفی، منسٹریل پرائیویٹ سیکرٹری  ءُ  برطانوی ہائی کمیشن  ءِ  سیکنڈ سیکرٹری  (معاشی امور)سربجیت سنگھ  ءَ گوں فنانس ڈویژن ءِ مزنیں کارندہ آں بہر زرتگ۔ گند ءُ نند ءَ دمگی جاور ھال، پاکستان ءِ اقتصادی منظر نامہ، برجاھیں ڈھانچہ ءِ اصلاحات، مالیاتی رجحان، ادارگی جدید کنگ ءُ پاکستان ءُ برطانیہ ءِ نیام ءَ اقتصادی کمک ءَ را گیش مھکم کنگ ءِ آسر آنی بابت ءَ سرجمیں رنگ ءَ ھیال ءُ لیکہ آنی تبادلہ کنگ بیت۔ وزیر خزانہ ءَ برطانیہ ءِ ڈل ءَ را حکومت ءِ اقتصادی اصلاحات ءِ ایجنڈا ءُ آیوکیں مالی سال ءِ واستہ وفاقی بجٹ ءِ تہا پیش کتگیں کلیدی اولویت آنی بابت ءَ سرپد کت۔ آئی ءَ اقتصادی استحکام ءِ برجائی، اقتصادی ریکوری ءِ عمل ءَ را دیم ءَ برگ، ڈھانچہ ءِ اصلاحات آرگ ءُ شمولیت ءُ پائیدار دیمروئی ءِ واستہ یک توانمندیں چاگرد ءِ جوڑ کنگ ءِ حکومت ءِ جزم ءِ سر ءَ پدا زور دات۔ گپ ءُ تران ءِ ساھت ءَ وزیر ءِ ھزانگ ءَ انوگیں دمگی دیمروئی آنی ھم گپ جتگ کہ ایشی ءِ تہ ءَ امریکہ ءُ ایران ءِ نیام ءَ انوگیں مفاہمت ءِ پد ءَ کش ءُ چیل آنی تہ ءَ کمی ھوار اِنت۔ آئی ءَ اے گپ ءِ سر ءَ زور پر دات کہ پاکستان ءَ برجاھیں گپ ءُ تران، جیڈھ آناں ھلاس کنگ ءُ پرامنیں رنگ ءَ گیواری ءِ کمک کنگ ءَ بوتگ ءُ پاکستان ءَ بنداتی بھر ءَ چہ دمگ ءَ کش ءُ چیل آنی تہ ءَ کمی ءِ واستہ سرگرمیں کرد پیلو کتگ۔ وزیر خزانہ ءَ گوشت کہ خطہ ءَ دراجیں بے رھبندی ءِ سبب ءَ اقتصادی اعتماد، توانائی ءِ مارکیٹ، سپلائی چین ءُ نوک دراتکگیں معیشت آنی دیمروئی ءِ آسراتی آناں تاوان رسیت۔ آئی ءَ گیش گوشت کہ حکومت ءَ وتی اقتصادی منصوبگ بندی ءُ مالیاتی پیش گوئی آنی تہ ءَ بوت کنوکیں درائیں ءُ جیو پولیٹیکل رسک آنی سر ءَ ھیال داری کتگ ایشی ءِ تہ ءَ دمگی بے رھبندی ءِ بوت کنوکیں بالواسطہ اقتصادی اثرات ھم ھوار اَنت۔ آئی ءَ امیت سہرا کت کہ دمگ ءِ گہتریں جاور ھال آنی سبب ءَ اقتصادی استحکام، سرمایہ کاری، تجارت ءُ سرجمیں اقتصادی چست ءُ ایر آنی واستہ گیش سازگاریں چاگرد ءِ پجارینگ بیت۔ سٹرک محمد اورنگزیب ءَ برطانیہ ءِ ڈل ءَ را پاکستان ءَ جاری ٹیکس ءُ ادارگی اصلاحات ءِ بابت ءَ ھم سرپد کت۔ آئی ءَ ٹیکنالوجی، ڈیٹا انٹیگریشن، سینٹرل پروسیسنگ ءُ ڈیٹا انوائسنگ ءِ وسیلگ ءَ آمدنی ءِ یکجا کنگ ءَ را گہتر کنگ، ٹیکس سسٹم ءِ ساپ ءُ سلہیت ءَ را گیش کنگ، لیکیج ءِ ھلاسی ءُ ٹیکس سسٹم ءَ را نوک کنگ ءِ واستہ چست کتگیں گامگیج آنی سر ءَ زور پر دات۔ وزیر خزانہ ءَ گوشت کہ اصلاحاتی ایجنڈا ءِ مول ءُ مراد ایوک ءَ آمدنی ءِ تہ ءَ گیشی نہ اِنت بلکینگ ءَ ساپ ءُ سلہیت ءِ دیمروئی، وتی مرضی ءِ مداخلت ءَ را کم کنگ ءُ شہری، کاروباری ادارگ ءُ ریاستی ادارگ آنی نیام ءَ بھروسہ ءَ را گیش مھکم کنگ اِنت۔ دیوان ءَ حکومت ءِ گیشیں ڈھانچہ ءِ اصلاحات ءِ پروگرام ءِ سر ءَ ھم گپ ءُ تران کنگ بوت، ایشی ءِ تہ ءَ نجکاری، سرکاری ادارگ آنی راستیں کساس، سرکاری ھرچ ءُ درچ ءِ کارکردگی ءَ را گہتر کنگ، گورننس ءِ تفصیلی ماڈل ءِ جوڑ کنگ ءُ ھدف مندیں چاگردی رکھینگ ءِ نظام ءَ را گیش کنگ ھوار ات۔ وزیر خزانہ ءَ ٹیکنالوجی ءِ وسیلگ ءَ سروس ڈیلیوری ءُ سرکاری وسیلگ آناں جوانیں رنگ ءَ کارمرد کنگ ءِ تہ ءَ پیشرفت ءِ سر ءَ ھم دلگوش دات۔ برطانیہ ءِ وزیر ءَ اقتصادی اصلاحات ءِ ھاتر ءَ حکومت ءِ جزم ءِ توسیپ کت ءُ پاکستان ءِ برجاھیں اصلاحات ءُ بدلی ءِ ایجنڈا ءِ وسعت ءُ سنگینی ءَ را من اِت۔ آئی ءَ اصلاحات ءِ برجاہ دارگ، ادارگی گہتری ءُ اقتصادی مقابلہ ءُ جوانیں حکومت داری ءِ دیمروئی ءِ ھاترا زور پر دات۔ آئی ءَ برطانیہ ءِ یکوئی اقتصادی مفاد ءِ شوبگ آنی تہ ءَ کمک ءُ ھوار بوھگ ءِ برجاہ دارگ ءِ واھشت ءِ ھم پدر کت۔ گند ءُ نند ءِ گڈ ءَ فری مین ءَ پاکستان ءُ برطانیہ ءِ نیام ءَ پائیدار اقتصادی دیمروئی، ادارگی گہتری ءُ دمگی برجائی ءَ را دیم ءَ برگ ءِ واستہ پاکستان ءُ برطانیہ ءِ نیام ءَ نزیکیں کمک ءُ ھوار بوھگ ءَ را گیش مھکم کنگ ءِ وتی جزم ءِ  درشان کت۔