مزن وزیر ءَ ناشرکاری ءِ گر ءُ دار ءِ محکمہ ءِ توسیپ کت کہ آ اٹک منس فتنہ الخوارج ءِ ناشرکار آنی ھلاپ ءَ جوانیں  کارروائی کنگ ءَ انت

اسلام آباد۔16جون  (اے پی پی): مزن وزیر محمد شہباز شریف ءَ ناشرکاری ءِ گر ءُ دار ءِ محکمہ ءَ فتنہ  الخوارج ءِ ناشرکار آنی ھلاپ ءَ جوانیں گامگیج ءِ ساڑات۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ فتنہ الخوارج ءِ پنچ ناشرکار آنی کوش ءِ سر ءَ ناشرکاری ءِ گر ءُ دار ءِ محکمہ ءِ توسیپ کتگ۔ آئی ءَ گوشت کہ سیکورٹی فورسز، پولیس ءُ سی ٹی ڈی ناشرکاری ءِ ھلاپ ءَ جنگ ءِ تہ ءَ مزنیں سوبمندی رسگ ءَ انت ءُ ملک ءَ چہ ھمک رنگ ءِ ناشرکاری ءَ را سرجمی ءَ ھلاس کنگ ءِ واستہ جزم انت۔