وفاقی داخلہ ءِ وزیر ءَ اٹک ءَ فتنہ الخوارج ءِ حلاف ءَ جوانیں  آپریشن ءِ ھاتر ءَ سی ٹی ڈی پنجاب ءَ را  توسیپ ءُ ستا

اسلام آباد۔16جون  (اے پی پی): وفاقی تہی کارانی وزیر محسن نقوی ءَ ناشرکاری ءِ گر ءُ دار ءِ محکمہ پنجاب ءَ را اٹک ءِ دمگ ءَ فتنہ الخوارج ءِ ناشرکار آنی ھلاپ ءَ جوانیں  آپریشن ءِ ھاتر ءَ شگر ءُ منت گپت۔ وفاقی وزیر داخلہ محسن نقوی ءَ سی ٹی ڈی پنجاب ءِ آپریشن ءِ وھد ءَ پنچ خطرناکیں ناشرکار آناں ھلاس کنگ ءِ تہ ءَ پیشہ وارانہ پنت ءُ شون ءُ وھد ءِ سر ءَ گامگیج ءِ سر ءَ توسیپ کت۔ وزیر داخلہ ءَ گوشت کہ سی ٹی ڈی پنجاب ءِ بہادریں زھگاں انٹیلی جنس یکجا کنگ ءِ آپریشن ءِ وھد ءَ خوارج ءِ بدیں نیت آناں بے سوب کنان ءَ ملک ءَ را مزنیں آفت ءِ چہ رکینتگ۔ محسن نقوی ءَ گوشت کہ مئے سیکورٹی فورسز ناشرکاری ءِ آفت ءِ ھلاسی ءِ واستہ پیشگام ءِ کرد ءَ پیلو کنگ ءَ اَنت ءُ سرجمیں راج ءَ را سی ٹی ڈی ءِ اے دلیر ءُ دلیریں سپاھیگ آنی سر ءَ پھر  اِنت کہ آ شہری آنی جان ءُ مال ءِ رکھینگ ءِ واستہ وتی جان ءَ را ریسک ءَ دیگ ءَ اَنت۔ آئی ءَ اے جزم ءِ پدا زور پر دات کہ فتنہ الخوارج ءِ ھلاپ ءَ صفر برداشت ءِ پالیشی برجم دارگ بیت ءُ جنگ داں گڈی ناشرکار ملک ءَ چہ ھلاس کنگ نہ بیت۔