گلگت بلتستان ءَ 100 میگاواٹ شمسی بجلی منصوبگ ءِ سرجمیں ھرچ ءُ درچ وفاقی حکومت ءِ زمہ واری ءَ زوریت، مزن وزیر شہباز شریف ءَ دیوان ءَ گوں تران

اسلام آباد۔16جون  (اے پی پی): مزن وزیر محمد شہباز شریف ءَ گوشت کہ گلگت بلتستان ءِ الس ءِ واستہ 100میگاواٹ ءِ شمسی توان ءِ منصوبگ ءِ سرجمیں ھرچ ءُ درچ وفاقی حکومت ءِ سر ءَ زوریت۔ سئے شمبے ءِ روچ ءَ مزن وزیر کارگس ءِ میڈیکل ونگ ءِ نیمگ ءَ جاڑی بوتگیں بیان ءِ رد ءَ آئی ءَ وتی سروکی ءَ گلگت بلتستان ءَ 100میگاواٹ ءِ شمسی توان ءِ منصوبگ ءِ سر ءَ چار ءُ تپاسی دیوان ءِ ساھت ءَ اے جیڈھ آنی درشانی کتگ۔ گند ءُ نند ءَ وفاقی وزیر ءِ منصوبہ بندی احسن اقبال، وفاقی وزیر اقتصادی امور احد خان چمغ، وفاقی وزیر بجلی ءِ بہر ءُ بانگ سردار اویس احمد خان لغاری، کشمیر ءِ وزیر ءُ گلگت بلتستان ءِ وزیر انجینئر امران مقام ءُ سیادی داروکیں حکومت ءِ کارگس ءَ شریک بوتگ۔ مزن وزیر ءَ منصوبگ ءِ سر ءَ کار ءِ رفتار ترند کتگ، منصوبگ ءَ را زوتاں چہ زوت سرجم کنگ ءُ منصوبگ ءِ توامیں بھر ءُ بانگ ساپ ءُ سلہ کنگ بہ بنت۔ دیوان ءَ سیمی فریق ءِ تصدیق ءِ ہدایت داتگ۔ گند ءُ نند ءَ سیادی داروکیں کارندہ آں گلگت بلتستان ءَ وفاقی حکومت ءِ سولر منصوبگ ءِ ھوالگ ءَ بریفنگ داتگ۔ بریفنگ ءِ تہ ءَ گوشگ بوت کہ گلگت بلتستان ءَ سرکاری ماڑی آنی واستہ 18 میگاواٹ ءِ شمسی توانائی ءِ منصوبگ است انت، گلگت ءُ ڈائیمر ڈویژن آنی تہ ءَ سرکاری ماڑی آنی واستہ دسمبر 2026 ءَ تاں 18 میگاواٹ ءِ منصوبگ ءُ بلتستان ڈویژن ءَ سرکاری ماڑی آنی واستہ سولرائزیشن منصوبگ ھم اکتوبر 2026  ءَ تاں کار سرجم کنگ بیت۔ گلگت، اسکردو، چیلاس ءُ خپلو  ءِ لوگانی واستہ شمسی توانائی ءِ منصوبہ آنی  سر ءَ  کار  جاڑی اِنت۔