پلندری ۔18جولائی ( اے پی پی) کشمیر ءُ گلگت بلتستان امورئِ بنجاھی وزیر چوہدری محمد برجیس طاہر ئَ گشتگ کہ آزاد کشمیر ءُ پلندری ئِ دیم روئی ئِ دژمناں چہ ووٹئِ وسیلگئَ بیر گرگی اِنت، کشمیری براتانی زندئِ جاورا ں زانگئِ ھاترئَ مدام دگءِ کشک ئِ سفر کتگ، آزاد کشمیر ئِ انوگیں حکمرانی آنی وڑئَ سرکاری ہیلی کاپٹر وتی جندئِ ھاترئَ کارمرز نہ کتگ اَنت، نواز شریف پاکستان ئِ وڑئَ کشمیرئَ را ھم وتی وژن ءِ مطابقئَ دیم روئی دیئگ لوٹ ایتءُ اِدئَ موٹروے، نوکیں نادراھ جاھ ءُ بے کساس دیمروئی کار کنگ لوٹ اَنت۔ برہان وانی تحریک آزادی کشمیر ئِ نوکیں پجّارے جوڑ بوتگ، کشمیر آناں ھق دیئگ ءِ ھاترئَ اقوام متحدہ ئِ تپاک نامہ ئِ سرئَ عمل کنگ بہ بیت۔ آ دوشمبے ئِ روچئَ پلندری ئَ الیکشن مہم ئِ ھوالگئَ اُلسی مُچی ئَ گوما تران کنگئَ بوتگ۔ چوہدری برجیس طاہر ئَ گشتگ کہ پلندری منی لوگ اِنت، اِدئَ ڈاکٹر نجیب تقی ھم نشتگ آ کسانیں مردمے نہ اِت، آئی ئِ ھاندان ئِ قربانی مسلم لیگ(ن) ءُ محمد نواز شریف ئِ ھاترئَ امیچو گیش اَنت کہ بیان کنگ نہ بنت۔
