اسلام آباد۔ 18جولائی ( اے پی پی) 41چیل ئُُ یکمی میاں اوستمانی نتھیاگلی سمر کالج ئِ بندات کنگ بوتگ۔ صدر ممنون حسین ئَ دوشمبے ئِ روچئَ یک مراگشےئِ تہا سمر کالج ئِ تچکئَ تچک بندات کتگ۔ 18تاں 30جولائی 2016ئَ ھڈ بوھوکیں اے سمر کالج ئِ مول ءُ مراد دیم روئی کتگیں ملک آنی سائنسدان آناں میاں اوستمانی فیکلٹی ءِ گوما نزیکی کنگئِ پلیٹ فارم پھجارینگ اِنت کہ اِد ئَ آھاں علم ءُ زانتءُ یکے دومی ئِ گوما تجروبتانی بھرءُ بانگ کنگئَ کمک رسیت۔ میاں اوستمانی نتھیاگلی سمر کالج ئِ تہا تاں انوں شش نوبل داد کٹّوکاں ھوار سرجمیں دگنیائَ 820نامداریں سائنسدان فیکلیٹی ئِ ارزشتئَ گوشتانکے داتگ وھدے کہ 72بازیں دیم روئی کتگیں ملک آں چہ سیادی داروکیں 1100درملکی ءُ 8ہزار پاکستانی سائنسداناں ایشی ءَ چہ پاھدگ چست کتگ۔
