چل ئُ یک می انٹرنیشنل نتھیا گلی سمر کالج نا بنائ، صدر مملکت ممنون حسین باقاعدہ افتتاح ئِ کرے

اسلام آباد۔ 18جولائی (اے پی پی) چل ئُ یک می انٹرنیشنل نتھیاگلی سمر کالج نا بناءمس۔ صدر مملکت ممنون حسین دوشنبے آ داڑے اسہ دود اسے ٹی سمر کالج نا باقاعدہ افتتاح ئِ کرے۔ 18آن 30جولائی 2016ءآ اڈ ہلوک آ دا سمر کالج نا مسخت شون ہلوک ملک آتا سائنسدان تے انٹرنیشنل فیکلٹی تون رابطہ نا پلیٹ فارم مہیا کننگ نا ئِ ہراڑے اوفتے علم و اسہ ایلو تون آزموندہ غاتا درشانی ٹی کمک رسینگک۔ انٹرنیشنل نتھیاگلی سمر کالج ورنا سائنسدان تے جہانی شہرت یافتہ سائنسدان آتون رابطہ تخنگ اٹی کمک فراوان کیک۔ انٹرنیشنل نتھاگلی سمر کالج اٹی داوخت اسکان شش نوبل انعام یافتگان آتون اوار مچ آدنیا آن 820پنی سائنسدان فیکلٹی نا وڑاٹ لیکچرزتسنو وخت اس کہ 72جتا شون ہلوک ملک آتیان تعلق تخوک 1100 درملکی و 8ہزار پاکستانی سائنسدان داڑآن مستفید مسنو۔ طبعیات و جدید دور انا گرج آتا مناسبت آن انٹرنیشنل نتھیاگلی سمر کالج نا اڈتننگ پاکستان اٹامک انرجی کمیشن، نیشنل سینٹرفارفزکس، عبدالسلام انٹرنیشنل سینٹر فارتھیورٹیکل فزکس، یو ایس نیشنل سائنس فاﺅنڈیشن ، چائنیز اکیڈمی آف سائنسز و یورپین آرگنائزیشن فارنیو کلیئر ریسرچ نا اواری آن کننگ انگ ئِ۔