چترال۔ 18جولائی (اے پی پی) چترال اٹی ترند پر و لینڈ سلائیڈنگ نا سوب 7گاڈی ئِ دیر درے۔ نجی ٹیلی ویژن نا رداٹ چترال نا ایب و کیب انا علاقہ غاتے ٹی برجاءترند پر انا سوب ڈورک دیر ایسر۔ لواری ٹنل نا خڑک زیارت نالہ ٹی ڈورتا دیر اتنگ نا سوب جوڑجاڑی کمپنی نا 7گاڈی ئِ دیر درے۔ دیر دروک آ گاڈی تے ٹی 2ڈمپرز، 2ویگوگاڈی، اسہ چارجنگ مشین و 2چنکو گاڈی اوارو۔ ارٹ میکو کنڈ چترال نا دیر ودیر انا ملک انا ایلو علاقہ غاتیان ڈغاری رابطہ منقطع مسنے۔ نیشنل ہائی وے و لواری ٹنل اٹی تعینات سیکورٹی ذرائع ناپاننگ ئِ کہ چترال اسکاﺅٹس ، پولیس و ہندی بندغ آک کسر ئِ ملنگ و گاڈی تے ڈورآن کشنگ نا کوشست کننگ ئُ۔ واقعہ ٹی ہچ ئُ جانی نسخان اسینا ڈہ رسینگ تنے۔
