اسلام آباد۔17جولائی ( اے پی پی)بے نظیر انکم سپورٹ پروگرام ئِ چیئرپرسن ماروی میمن ئَ گشتگ کہ زالبولاناں معاشی ارزشتئَ وت واک کنگ ملکئَ چہ نیزگاریئِ ھلاسی ئِ نیمگئَ ھاسیں گام اِت۔ اے ھیالانی درشانی آئی ئَ ہنزہ ئَ چیزمال ئِ کمک ئَ چہ بے نظیر انکم سپورٹ ئِ چیردستی ئَ ھڈ داتگیں دستی دوچانی نماش ئِ مراگشئَ گوں تران کنانئَ کتگ۔ اے نماشئِ مول ءُ مراد بے نظیر انکم سپورٹ پروگرام ئِ ھقداریں زالبولاناں آھانی جوڑ کتگیں چیزانی ھاترئَ موھ پھجارینگ اِنت۔ اے موھئِ سرئَ گپ ءُ تران کنانئَ ماروی میمن ئَ گشتگ کہ بی آئی ایس پی چاگردی پلگارگئِ پروگرام اِت۔ اے یک راج دپتری گامگیج اِت کہ ایشی ئَ چہ نیزگاریں زالبولانی زند مٹ بیت۔ آئی ئَ گشتگ کہ پدمنتگیں تبکانی زالبولانی دستئِ دو چ مارکیٹئَ سربنت گڑا آ معاشی ارزشتئَ وتی پادانی سرئَ اوشتات کن اَنت۔
