اسلام آباد۔16جولائی ( اے پی پی) وانگءُ زانگئِ مملکت ئِ وزیر بلیغ الرحمن ئَ گشتگ کہ پاکستان میاں اوستمانی تک ئَ کشمیرئِ جیڑھ ئَ پدرّ کنگئِ کوشستاں گشاد کنت۔ شمبے ئِ روچئَ ریڈیو پاکستانئَ گوں گپءُ تران کنانئَ آئی ئَ گشتگ کہ کشمیری اُلس آجوئی ئِ ھاترئَ جدوجہد کنگئَ اَنت ءُ پاکستان یک راجے ئِ ارزشتئَ اے سکیں ساھتاں کشمیری اُلسءِ گوما ھم کوپگ اِنت۔ آئیءَ گشتگ کہ مزن وزیر محمد نواز شریف ئِ سروکی ئَ سرجمیں کابینہ یک جاھ اِنت ءُ مہ مقبوضہ کشمیر ئَ بھارتی زُلم ءُ ناحقیئِ ھلاپ ئَ سئے شمبے ئِ روچئَ سیاھیں روچ گوازین اَنت۔ مملکتئِ وزیرءَ گشتگ کہ آجوئی کشمیر آنی ھق اِنت۔ آئی ئَ گشتگ کہ پاکستان کشمیرکاز ئِ ھاترئَ سیاسی ، اخلاقی ءُ سفارتی ھمراھ داری ءَ جاری دار ایت۔ آئی ئَ اپسوز پدرّ کتگ کہ کشمیر آنی آجوئی ئِ جدوجہد ئَ را ناشرکاری ءَ گوں بندوک کنگ بوھگ ئَ اِنت۔
