اسلام آباد۔ 15جولائی (اے پی پی) وزیر مملکت برائے نیشنل ہیلتھ سروسز، ریگولیشنز اینڈ کوآرڈینیشن سائرہ افضل تارڑ پولیو نا چٹفنگ کن نیشنل ایکشن پلان آ پیش رفت نا جاچ ئِ ہلکونے۔ ٹیکنیکل ایڈوائزری رڑانا ساڑی آ پولیو جاچ انا تناظر اٹی نیشنل کوآرڈینیٹر پولیو ایمر جنسی رانا صفدر وزیر مملکت ئِ ملک آن پولیو نا چٹفنگ کن کروک آ گام گیج آتیان جوانی اٹ معلومدار کرے۔ وزیر مملکت داگام گیج آتیا است جمی نا درشانی ئِ کرسا پارے کہ غٹ ضلع غاتے ٹی پولیو نا چٹفنگ آ توجوہ تننگ انگ ئِ و دا چرجوئی ٹی مانیٹرنگ ہم کننگ انگ ئِ۔ وزیر مملکت پارے کہ ٹیکنیکل ایڈوائزری گروپ کمیونٹی ویکیشن نا ستائِ کرینے۔ اوپارے کہ موبائل ٹیم نا کارکڑد ئِ سوگو جوڑ کننگ انگ ئِ۔ اوپارے کہ قطبی سندھ اٹی پولیونا چٹفنگ کن کوشست آتے ترند کروئی مرے و نارتھ سندھ ایکشن پلان آ عملدرآمد بایدے مرے۔ اوپارے کہ قومی و صوبائی کہول آ ریپڈ رسپانس یونٹ پوروی وڑاٹ فعال ئِ۔ اوپارے کہ اوغانستان تون آبادی نا نقل و حمل نا بابت احوال آتا درشان ئِ کننگے تانکہ وائرس نا منتقلی ئِ اسیجائی وڑاٹ توننگ مرے۔
