اسلام آباد ۔ 15 جولائی (اے پی پی) مزن وزیر محمد نواز شریف ئَ فرانس ئِ شہر نیس ئَ ناشرکاری اُرش ئِ سرا زارشانی کتگ ایشی ئَ بازیں مردم بیران ئُُ ٹپی بوتگ انت۔ مزن وزیر آفسئِ نیمگ ئَ چہ جمعہ ئَ ادا یک جاری بیان ئِ ردا مزن وزیر ئَ گوشتگ کہ مئے دل ئُُ دعا اُرش ئِ اثرمند مردماں ئُُ آہانی ھاندان ئَ گوں ہوار انت۔مزن وزیر ئَ اُرش ئَ ٹپی بیوکیں مردمانی جان دراہی ئَ پہ نیک واھشتانی درشان کتگ۔مزن وزیر محمد نواز شریف ئَ گشتگ کہ پاکستانی حکومت ئُُ اُلس ئَ را اُرش ئِ باز ڈکھ ئُُ اپسوز بوتگ ئُُ آں گرانیں وھد ئَ فرانس ئِ حکومت ئُُ اُلس ئَ گوں پجی انت۔آہاں گشتگ کہ ناشرکاری ئِ ہلاپ جنگ ئَ اولی لڑ ئِ ریاست ئِ بستار ئَ گوں پاکستان وت ہم آماچ انت ئُُ بازیں وئیل ئِ دیم دیستگ انت ما اے وھد ئَ فرانسیسی اُلس ئِ ڈکھ ئُُ درد ئَ را محسوس کنگ انت۔مزن وزیر نواز شریف ئَ ہر وڑیں ناشرکاری ئِ ایراد ئِ درشان کنان ئَ گشتگ کہ پاکستان ناشرکاری ئِ کارروائی ئِ ہلاپ ئَ سوگو ئِ جزم دارگ انت بلے آئی ئِ نشانگ کسے بہ بیت۔
