اسلام آباد۔ 15جولائی (اے پی پی) پاکستان فرانس نا شار نیس اٹی قومی دے ئِ اڈ تروک آ نرینہ و نیاڑی و چناتیا دہشت گردی نا لغوری و وحشیانہ جلہو نا ترندی اٹ مذمت ئِ کرینے ہراٹی چندی بندغ آک تپاخت و کیہیک ٹھپی مسنو۔ ترجمان دفترخارجہ نا کنڈآن جمعہ آ جاری بیان اٹی پاننگانے کہ پاکستان نا حکومت و الس دا سانحہ غا جمہوریہ فرانس نا حکومت و الس تون دلی ہڑزخواہی نا درشانی ئِ کیرہ۔ ننا نیک است خواہیک زہمی خاہوت آتون ئُ و نن ٹھپی تا زوت جان جوڑی نا خواہندار اُن۔ بیان نا رداٹ پاکستان ڈکھ انا دا ساہت اٹی فرانسیسی الس تون یکجہتی نا درشانی ئِ کیک۔ پاکستان ہروڑنا دہشت گردی نا مذمت نا اعادہ ئِ کرسا پار ے کہ او دالعنت نا برخلاف جنگ اٹی بین الاقوامی برادری تون اواری اٹ کاریم کننگ کن تیار ئِ۔
