ناشرکاری ئِ ھلاپ ئِ جنگئَ پاکستان ئِ کوشستانی توسیپ ءُ ساڑاھ
اسلام آباد۔ 13جولائی ( اے پی پی) برطانیہ ئِ ڈپٹی کمانڈر لیفٹیننٹ جنرل سینڈی سٹوری ئَ ناشرکاریئِ ھلاپ ئِ جنگئَ پاکستانئِ کوشستاناں ساڑاتگءُ اے جنگئِ تہا برطانیہئِ جاری کمکئِ اوست داتگ۔ مزن وزیرئِ دری کارانی ھاسیں کمک کار طارق فاطمی ئَ گوں گندءُ نندئِ تہا آئی ئَ دمگی سیکیورٹی ءُ آئی ئِ تہا گہتریئِ تپاسی کتگ۔ ھاسیں کمک کارئَ آپریشن ریزولیوٹ سپورٹ ئِ کمانڈر ئَ را ھال داتگ کہ پاک برطانیہ دونیمگی سیادی ئِ تہا جوانیں گیشی جاری اِنت۔ آئیئَ دوھیں ملک آنی درنیامئَ جاری دیمپانی کمک ئِ سرئَ ھم وتی سدکّی ئِ درشانی کتگ۔ ھاسیں کمک کارئَ اُمیت درشان کتگ کہ دو نیمگی دیمپانی ءُ سیکیورٹیئِ کارانی تہا تعمیری ءُ نزیکی کمکئَ را گیش مھکم کنگ بیت۔ آئیئَ گشتگ کہ پاکستانئَ آپریشن ضرب عضب ئِ وسیلگئَ ناشرکاریئِ ھلاپئَ جنگئَ جوانیں ءُ پدریں کرد پیلو کتگ کہ نوں گڈی بھرئِ تہا اَنت۔ آئیئَ برطانیہ ئَ کنزرویٹو پارٹی ئِ رہنما تھریسامے ئَ را مزن وزیر بوھگئِ سرئَ مراد بات داتگ ءُ اے اوست ئِ درشانی کتگ کہ آئی ئِ سروکی ئَ پاک برطانیہ سیادی ئِ تہا گیش گیشی بیت۔
