کوئٹہ۔ 13جولائی (اے پی پی) فرنٹیئر کور بلوچستان و حساس ادارہ غاتا چمن نا علاقہ ٹی اسیجائی کارروائی پنچ دہشت گرد آتے دزگیر کرسا اوفتا کوزہ آن بھلو کچ اسے ٹی سلہہ دوئی کریر۔ ایف سی ذرائع نا رداٹ چارشنبے آ چمن نا علاقہ کلی گلدار باغیچہ ٹی ایف سی و حساس ادارہ دہشت گرد آتا ساڑی گری نا احوال آ آپریشن کریر ہرانا وخت آ مسہ کمپاﺅنڈز آن بھلو کچ اسے ٹی سلہہ غاتے ٹی اسہ کلاشنکوف اس، اسہ پسٹول اس، اِرا راکٹ لانچر ، یانزدہ بارودی سرنگ، کیہی وڑنا فیوز، سم، اِرا ہینڈ گرنیڈ ، اسہ موٹرسائیکل اس دوئی کرسا پنچ دہشت گرد آتے دزگیر کننگا۔ دہشت گردی نا ڈٹ بندی ئِ کریرہ کارئِ خودکش جلہو کن کاریم اٹ اتوئی ئسک بارودی مواد آتے ناکارہ جوڑ کننگ کن بمب ڈسپوزل اسکواڈ ئِ بٹنگار۔
