راجی دیمروی مئے راہ انت، مہلوک ءَ گوں داتگیں وعدہ آں پیلو کنیں، پاک فوج ءِ سرا ایراد گرگ کنوکانی ذہنی نزوری مہلوک ءِ دیم ءَ پدر بوتگ، مئے دشمن چہ پاک فوج ءَ ترس ایت عطا اللہ تارڑ

لاہور۔7دسمبر  (اے پی پی):وفاقی وزیر اھوالکاری عطا اللہ تارڑ ءَ گشتگ کہ مئے دژمن پاکستانی فوج ءَ چہ ترسگ ءَ انت، دفاعی فورسز ءِ سروک فیلڈ مارشل سید عاصم منیر ءَ چہ دژمن ءَ ترسگ ءَ انت، آ کہ فوج ءِ سرا ایراد گرگ ءَ انت کہ آئی ءَ یک دژمن ءِ سرا تنقید کتگ کہ آئی ءَ پنچ رند ءَ مزنیں دژمن ءِ سرا شکست داتگ  ، سرجمیں ملک ءَ مسلم لیگ ن ءَ  دیمروئی ءِ جال چیر گیتکگ،  مرچی محمد نواز شریف ءُ مسلم لیگ ن ءِ دیمروئی منصوبہ ملک ءِ ہر دمگ ءَ گندگ ءَ انت، راجی دیمروئی ءُ دیمروئی مئے راہ انت۔ طنز ءِ گپ ایش انت کہ پی ٹی آئی ءَ گوستگیں 12 سالانی تہا خیبر پختونخوا ءَ کھنڈرات ءِ رنگ ءَ کم کتگ۔ کے پی کے ءَ نوکیں اسکول، کالج ءُ یونیورسٹی جوڑ کنگ نہ بوتگ۔ محمد شہباز شریف ءَ محمد نواز شریف ءِ ھیال ءِ چیر دستی ءَ پاکستان ءِ اولی ءُ نوکیں کڈنی ءُ لیور انسٹی ٹیوٹ جوڑ کتگ کہ اودا یک ہزار ٹرانسپلانٹ سوبمندیں رنگے ءَ کنگ بوتگ انت وھدے کہ انصار موومنٹ ءِ سرکار چوشیں یک نادراھجاھے ھم جوڑ نہ کتگ۔ لاہور ءَ سیف سٹی پروجیکٹ مسلم لیگ ن ءِ نیمگ ءَ چہ داتگیں سوگات اِنت کہ مریم نواز شریف ایشی ءَ را نوکیں لیکہانی سر ءَ گیش دیم ءَ برگ ءَ اِنت۔ پنجاب ءَ دیمروئی منصوبگ آنی سر ءَ کار بوھگ ءَ اِنت ، وھدیکہ کے پی کے ءَ بد انتظامی ءُ کارکردگی ءِ نا شریں سبب ءَ لس جیڈھ گیش بوھگ ءَ انت ۔ مرچی بزدار پلس پلس سرکار ءِ جلسہ ءَ را لس مھلوک رد کتگ پرچا کہ جیل ءَ یک ذہنی نادراہے ءَ 190 ملین پونڈ لٹ داتگ۔ اے مردم ءَ ملک ءِ معیشت تباہ کت۔ اے مردم ءَ تاں نادراھجاہ ءُ رفاہی منصوبگانی زرّ ھم وارتگ اَنت۔ مئی ءِ روچ ءَ اُرش کنگ ءُ شھیدانی یاتگارانی ھلاس کنگ ءَ چہ مستریں جرم بوت نہ کنت۔ آئی ءَ اے ھیالانی درشانی یک شمبے ءِ روچ ءَ باگریان ءِ نزیک ءَ یونین کونسل 240 شبیر چوک بھٹا نمبر 2 ءَ دیمروئی کارانی بنگیج ءِ موہ ءَ لس مچی ءَ گوں تران کنان ءَ کت۔ اے موہ ءِ سر ءَ ساجدہ فاروق تارڑ،باسک صوبائی اسمبلی میان عمران جاوید، بنجاھی سیاسی ءُ چاگردی سروکاں ھوار مزنیں کساسے ءَ شہری ساڑی بوتگ اَنت۔ وفاقی وزیر ءِ اھوالکاری ءَ گوشت کہ مسلم لیگ ن ءِ سروکی مدام سرکاری کار آنی تہ ءَ سرگرم بوتگ، قائد محمد نواز شریف ءُ مزن وزیر محمد شہباز شریف ءِ وژن ءِ رد ءَ راجی دیمروئی مئے راہ اِنت، مرچی الس ءَ گوں کتگیں درستیں وعدہ آناں پیلو کنگ بوھگ ءَ اِنت، ما انگت ءَ راج ءِ تہ ءَ گدا ءَ چہ گیشتر ھست اتیں۔ مئے کارکردگی ءِ سبب ءَ مسلم لیگ ن ءِ سرکار مدام سرکاری کارانی تہا ھوار اِنت۔ وفاقی وزیر ءِ اھوالکاری ءَ گوشت کہ حلقہ آنی تہ بنیاتی آسراتی آنی بازیں منصوبگ گوں ترندی ءَ سرجمی ءَ کنگ بوھگ ءَ انت۔ سرجمیں ملک ءَ برجاھیں دیمروئی کارانی ھال ءَ آئی ءَ گوشت کہ مسلم لیگ ن ءَ جوڑیشت ءُ دیمروئی ءِ انچیں نیٹ ورک ایر کتگ کہ مرچی ملک ءِ ھمک مزنیں منصوبگ آنی سر ءَ نواز شریف ءِ تختی گندگ ءَ کیت۔ عطا اللہ تارڑ ءَ گْوشتگ کہ پختون مئے برات اَنت، مئے دل گوں آھاں ٹپّگ ءَ اِنت بلے بدبھتی ءَ گْوستگیں 12 سال اِنت کہ خیبر پختونخوا ءَ یک پارٹی ءِ سرکار بوتگ کہ آئی ءَ اے استان ءِ تہ ءَ ھرابکاری کتگ، نہ وانگجاہ جوڑ کتگ، نہ کالج جوڑ کتگ ءُ نہ یونیورسٹی۔ قائد محمد نواز شریف ءِ وژن ءِ چیر دستی ءَ محمد شہباز شریف ءَ پنجاب ءَ پاکستان ءِ نوکیں ءُ یکیں کڈنی انسٹی ٹیوٹ جوڑ کت، پیسر ءَ جگر ءُ کڈنی ءِ نادراہ علاج ءِ ھاتر ءَ جتا جتائیں ملکاں روگ ءَ اتنت، مارا فخر انت کہ اے ہسپتال ءَ یک ہزار ٹرانسپلانٹ سرجم بوتگ۔ مسلم لیگ (ن) ءَ پنجاب ءَ فرانزک لیب جوڑ کتگ، سیف سٹی کیمرہ ایر کتگ، وھدے کہ ما خیبر پختونخوا ءِ تحریک انصاف سرکار ءَ سیف سٹی کیمرہ ایر کنگ ءِ لوٹ کنیں گڑا مارا پسو نہ رسیت، وھدے ما جُست کنیں کہ شما فرانزک لیب جوڑ کتگ گڑا 2018 ءَ کجام فرانزک لیب جوڑ کتگ، مارا پسو نہ رسیت۔ ناشرکاری ءِ ھلاپ ءَ سرجمیں کرد پیلو کتگ، وھدے ما خیبر پختونخوا ءِ سرکار ءَ چہ سی ٹی ڈی ءِ محکمہ ءِ بابت ءَ جُست کنیں گڑا مارا ھم پسو نہ رسیت۔ مسلم لیگ ن ءَ پنجاب ءَ فرانزک لیب ءِ وڑیں مزنیں منصوبگ سرجم کتگ انت، سر وزیر مریم نواز سرجمیں صوبہ ءَ دیمروئی کارانی ریکارڈ جوڑ کنگ ءَ انت۔ اپنا گھار اپنا چھات ءِ منصوبہ بہ بیت یا کشت ءُ کشاری ءَ را سبسڈی ءِ شرح ءِ سرا ٹریکٹر ءِ رسگ، میتگ ءُ پدمنتگیں دمگاں موبائل کلینک یا فیلڈ ہسپتال، استان ءِ سرجمیں دمگاں سڑک ءِ نیٹ ورک، دروازگ ءِ سرا بنیاتی جان سلامتی ءِ آسراتی ءِ رسگ یا کلین پنجاب ءِ پروگرام، سیل ءُ سواد ءِ دیمروئی یا پروجیکٹ ، سیف سٹی کیمرہ ، دل ءِ نادراہی ءِ آماچیں زھگ، ضلعی تک ءَ جان سلامتی ءِ پڑ ءَ اصلاحات یا وانگ ءُ زانگ ءِ منصوبگ، گٹر ءِ منصوبگ یا کوالٹی ءِ سفری آسراتی ءِ پھجارینگ ءِ ھاترا جوانیں منصوبگ، اے درستانی کریڈٹ سر وزیر مریم نواز ءَ را رسیت کہ آئی ءَ وتی روچ ءُ شپ سرکاری ھزمت ءَ ندر کتگ اَنت۔ وزیر اطلاعات ءَ پشاور ءَ برجم داشتگیں جلسہ ءَ را سرکاری رنگ ءَ رد کنگ ءِ وھد ءَ گوشت کہ شھید آنی یادگار آناں بے حرمتی کنوکیں مردم اے ملک ءِ نیک راھی بوت نہ کن اَنت۔ بزدار پلس پلس سرکار ءِ مچی ءَ مہلوک ءَ رد کتگ پرچا کہ جیل ءَ بندیں ذہنی نادراہ ءَ 190 ملین پونڈ ءِ کرپشن کتگ ءُ ملک ءِ معیشت ءَ مزنیں تاوانے داتگ۔ اے مردم ءَ تاں رفاهی ءُ نادراھجاہ ءِ زرّ ھم زوال کتگ اَنت۔ تحریک انصاف ءِ سرکار وتی حاکمی ءِ وھد ءَ بھارت ءِ ھلاپ ءَ توار چست نہ کت کنت، کشمیر ءُ فلسطین ءِ جیڈھ بیک برنر ءَ ایر کنگ بوتگ اَنت وھدیکہ آھانی سوشل میڈیا اکاؤنٹ درملک ءَ چہ آپریشن کنگ بنت ءُ سرکاری ادارگ آنی ھلاپ ءَ پروپیگنڈا ءَ ھوار اَنت۔ ھمے مردم دژمن ءِ اوزار جوڑ بیتگ اَنت۔ مئی ءِ اُرش ءُ شھیدانی یادگارانی بے حرمتی ءَ چہ مستریں جرم بوت نہ کنت۔ تحریک انصاف ءِ نیمگ ءَ آئی ایم ایف ءَ پاکستان ءِ حلاف ءَ نمدی نبشتہ کنگ سک اپسوزی کارے ۔ پاکستان ءَ آشوب ءِ شنگ کنگ ءُ ملک ءِ معیشت ءَ را ٹُکّر ٹُکّر کنگ ءِ جہد کتگ۔اے سازشی عناصراں ھما کار کت کہ دژمن ءِ دل ءَ ات بلے پدا ھرکس ءَ دیست کہ آیانی عزائم چوں کچلگ بوتگ انت۔ مزن وزیر محمد شہباز شریف ءَ گوں وتی ٹیم ءَ شپ ءُ روچ کار کتگ کہ اے ملک ءَ چہ گرداب ءَ در بہ کنت۔ ما پہ ملک ءِ ایمنی ءِ ھاتر ءَ وتی سیاست ءَ ھم پرواہ نہ کتگ ات۔ اے مردم گپ ءُ تران کنگ ءَ اتنت کہ ملک زوت ڈیفالٹ بیت بلے اللہ تعالیٰ ءِ فضل ءُ کرم ءُ مزن وزیر محمد شہباز شریف ءِ زانتکاریں رہشونی ءَ ما نہ ایوک ءَ اے ملک ءَ چہ ڈیفالٹ ءَ رکینتگ بلکیں دیمروئی ءِ راہ ءَ ہم ایر کتگ۔ مرچی ملک ءِ معیشت گہتری ءِ نیمگ ءَ روگ ءَ اِنت، درملکی زرّ ءِ ذخیرہ گیش بوتگ، افراط زر ءِ تہ ءَ ھاسیں رنگ ءَ کمی اتکگ کہ اے گپ ءَ را میاں اوستمانی مالیاتی ادارگ ھم منگ ءَ اَنت۔ مثبت پالیسیانی سبب ءَ سرجمیں دنیا ءَ سبزیں پاسپورٹ ءِ احترام کنگ بوھگ ءَ اِنت۔ آئی ءَ گوشت کہ نوں کس ءَ را اے موہ دیگ نہ بیت کہ آ دیمروئی ءِ اے سفر ءَ بہ دار ایت ءُ ملک ءِ ایمنی ءَ گوں لیب بہ کنت۔ وفاقی وزیر ءَ گوشت کہ اگاں پاکستان است گڈا ما درست آں۔ سرجمیں راجی ادارگ مزن وزیر محمد شہباز شریف ءِ سروکی ءَ ملک ءِ دیمروئی ءِ واستہ شپ ءُ روچ کار کنگ ءَ انت ۔ مئے دفاع یکیک انچیں اُرد ءِ دست ءَ اِنت کہ آئی ءِ کمانڈر فیلڈ مارشل عاصم منیر اِنت، فیلڈ مارشل سید عاصم منیر ایمانداریں مردے کہ ملک ءِ رکّینگ ءَ زانت۔ آئی ءَ گوشت کہ پاکستان مدام ھست بیت، دیمروئی کنت، انصار تحریک ءِ مردم آناں سیر ورگ لوٹ ایت۔ آئی ءَ گوشت کہ آیوکیں روچ آنی تہ ءَ الس ءَ را گیش وشیں حال دیاں۔ عطا اللہ تارڑ ءَ گوں دمگی بزگ ءُ کارندہ آں گپ ءُ تران کنان ءَ گوشت کہ حکومت شہر ءُ دمگ آنی تہ ءَ دیمروئی منصوبگ آناں گوں ترندی ءَ سرجم کنگ ءَ اِنت کہ ایشی ءِ مول ءُ مراد سرکاری آسراتی آناں گیش کنگ ءُ شہری آنی زندمان ءِ کوالٹی ءَ را گہتر کنگ اِنت۔ توسعہ ءِ کاراں سڑک آنی جوڑ کنگ ءُ مرمت، ڈرینیج سسٹم ءِ گہتری، سٹریٹ لائٹ آنی نصب کنگ ءُ اے دگہ بنیاتی آسراتی ھوار انت۔ آئی ءَ گوشت کہ استیں حکومت ءَ راجی گہبود ءِ منصوبگ آناں اولی سر ءَ ایر کتگ ءُ ھمک پڑ ءَ جیڈھ آنی گیواری ءِ ترندی ءِ واستہ کوشست کنگ بوھگ ءَ انت۔ آئی ءَ گوشت کہ دیمروئی سکیم آناں شُھازگ ءِ رنگ ءَ برجم دارگ بوھگ ءَ انت تانکہ فنڈز ءِ جوانیں کارمردی ءَ را دل یکیمی کنگ بہ بیت۔ اے وڑیں منصوبگ آنی تہ ءَ نہ ایوک ءَ سرکاری آسراتی آنی تہ ءَ گیشی بیت بلکینگ ءَ دمگی معیشت ءِ سر ءَ ھم جوانیں اثر کپ ایت۔ آئی ءَ گیش گوشت کہ حکومت الس ءِ گہتری ءُ آسراتی ءِ واستہ ھمک ھمک وسیلگ آناں کارمرد کنت ءُ منصوبگ آنی وھد ءِ سر ءَ سرجمی ءَ را دل یکیمی کنگ بیت۔ اے موہ ءِ سر ءَ وفاقی وزیر ءِ اھوالکاری ءُ شنگکاری ءَ ربن ءِ کٹگ ءَ چہ دیمروئی کارگس آنی بنگیج ھم کت۔