سندھ ءِ دود ءُ ربیدگ یکوئی  ، امن ءُ راجی یکوئی ءِ علامت انت، صدر آصف علی زرداری ءِ کلوہ سندھی دود ءُ ربیدگ  ءِ موہ ءَ کلوہ

اسلام آباد۔7دسمبر  (اے پی پی):صدر آصف علی زرداری ءَ گوشت کہ سندھ دود ءُ ربیدگ ءِ روچ مارا رواداری، کثرت پسندی ءُ امن ءُ ایمنی ءِ رنگ ءَ دود ءُ ربیدگ ءِ ارزشت آنی دیمروئی ءِ یات ءَ دنت۔ سندھ ءِ دود ءُ ربیدگ رواداری ، امن ءُ راجی یکوئی ءِ علامت اِنت کہ ایشی ءَ را نوکیں نسل ءَ سر کنگ مئے یکجاھیں ذمہ واری اِنت۔ صدر ءِ مملکت ءِ کارگس ءِ پریس ونگ ءِ نیمگ ءَ یک شمبے ءِ روچ ءَ جاڑی بوتگیں بیان ءِ تہ ءَ صدر آصف علی زرداری ءَ سندھی دود ءُ ربیدگ ءِ روچ ءِ سر ءَ وتی پیغام ءِ تہ ءَ گوشت کہ سندھ ءَ را اے شرف رستگ کہ آئی ءَ 1936 ءَ بمبئی ءِ صدارت ءَ چہ جتا بوھگ ءَ پد یک انچیں جتائیں آئینی ءُ دود ءُ ربیدگ ءِ پجار ءِ جوڑ کتگ۔ پاکستان ءِ جوڑیشت ءِ ھاتر ءَ قرارداد ءِ منظوری ءَ چہ دیم ءَ اتکگ۔ سندھ ءَ اردو ءِ گپ جنوکیں مردمانی مزنیں کساسے است کہ ایشی ءَ چہ اے سندھ ءَ یکے دومی ءِ یکوئیءُ پراھ ءُ شاھگانیں ھیال ءِ یک درپشناکیں مثالے جوڑ بیت۔ صدر آصف علی زرداری ءَ گوشت کہ سندھی زبان ملک ءِ دیمروئی کتگیں زبان آنی تہ ءَ یکے ۔ سندھ دود ءُ ربیدگی مرکز ءِ زانگ بیت کہ اودا درجناں روتاک، ٹی وی چینل ءُ ریڈیو ایشی ءِ مھکمیں روایت ءِ نگہبان انت۔ سندھ دود ءُ ربیدگ ءِ روچ مارا رواداریءُ امن ءُ ایمنی ءِ وڑیں دود ءُ ربیدگ ءِ ارزشت آنی دیمروئی ءِ یات ءَ دنت۔ سندھ ءِ دود ءُ ربیدگ رواداری، امن ءُ راجی یکوئی ءِ علامت اِنت کہ ایشی ءَ را نوکیں نسل ءَ سر کنگ مئے درستانی یکجائی ذمہ واری اِنت۔