پاک چین اقتصادی راہداری ڈٹ انا چاروکی کن اڈ ہلوک خصوصی کمیٹی 22جولائی آ لاہور۔ساہیوال۔بہاولپورسیکشن نا دورہ ئِ کیک

اسلام آباد۔ 13جولائی (اے پی پی) پاک چین اقتصادی راہداری ڈٹ انا چاروکی کن اڈ ہلوک خصوصی کمیٹی ڈٹ انا جاچ ئِ ہلنگ کن 22جولائی آلاہور آن ساہیوال و بہاولپور سیکشن نا دورہ ئِ کیک۔ قومی اسمبلی سیکرٹریٹ نا ذرائع نا رداٹ خصوصی کمیٹی نا دیوان 21جولائی آ وزیراعلیٰ ہاﺅس اٹی سہب انا 11بجہ غا بٹنگ انگانے۔ کمیٹی 22جولائی آ سہب انا 9بجہ غالاہور آن ساہیوال و بہاولپور رادہ مریک وخت اس کہ 23جولائی آ سہب انا 9بجہ غا بہاولپور اٹی زونر جی شمسی توانائی ڈٹ انا دورہ ئِ کیک۔