کوئٹہ۔ 13جولائی (اے پی پی) مسکوہی سیکرٹری خزانہ بلوچستان مشتاق رئیسانی کرپشن کیس اٹی مسکوہی ایکسیئن طارق علی و ٹھیکیدار سہیل مجید ئِ پین چانڑدہ دے ریمانڈ آ نیب انا حوالہ کننگا۔ کیس انا سماعت ئِ احتساب عدالت نا جج عبدالمجیدناصر چارشنبے آ سماعت نا وخت آ مشتاق رئیسانی کرپشن کیس اٹی ٹھیکیدار سہیل مجید و ایکسیئن طارق علی ئِ پیش کننگا سماعت نا وخت انویسٹی گیشن آفیسر عدالت ئِ پارے کہ ایکسیئن طارق علی نا چندی اکاﺅنٹس آک ئُ و ٹھیکیدار سہیل مجید ہرااسکیم تیا کاریم کریسس اوفتا جانچ پڑتال کن ٹیم اس راہی کرینن ہراڑآ جج ریمارکس ترسا پارے کہ ہراتم نے ریمانڈ کن وخت تننگک تو ریمانڈ نا مدانا وخت آ ہی تینا جاست وپاست ئِ پورو کر اوکان گڈ عدالت نیب انا خواست آ دوبہ دار تا چانڑدہ دے ریمانڈ ئِ منظور کرے وخت اس کہ احتساب عدالت اٹی دوبہ دار سلیم شاہ ئِ پیش کننگا نیب ناخواست آ دوبہ دار ئِ پین چانڑدہ دے ریمانڈ آ نیب انا حوالہ کریر۔
