اسلام آباد۔ 12جولائی ( اے پی پی) بلوچستان نیشنل پارٹی ئِ بند ئُُ بست ئَ سے شمبے ئَ گوادر سی پیک ئِ ھوالہ ئَ یک سیمینار بوتگ۔ سیمینار ئِ پاگواجہی پارٹی ئِ سروک سردار اختر جان مینگل ئَ کرتگ۔ سیمینار ئَ تران کنگئَ مردم آں گشتگ کہ گوادر پورٹ ئِ سرجم وت واجہی بلوچستانئَ دئیگ لوٹیت، صوبہ آنی تیابئُُ وسیلگ ئِ سرا صوبہ آنی وت واجہی ئُُ حق ملکیتئَ مننگ لوٹیت۔ آئی ئَ گشتگ کہ گوادر ئِ بلوچ ئُُ بلوچستانئِ اُلس ئَ اقلیت ئَ بدل بوھگ ئَ دارگ ئِ ھاترئَ قانود سازی ئُُ سک پالیسی جوڑ کنگئِ وھد ئِ ضلورت انت۔ آئی ئَ گشتگ کی سی پیک ئِ بندات ئَ چہ گوادرئِ اُلس ئَ زوتیں وڑ ئَ ساپ آپ، انفراسٹرکچر، ہسپتال، سکول، ٹیکنیکل کالجز ئُُ پورٹ ئِ باروا ہنر مند مردم آنی ھاترئَ ٹریننگ سینٹر وار میرین یونیورسٹی جوڑ بہ کن ات۔ اودا ھندی مردم آں ترجیح بہ دئیت ئُُ روزگار بہ دئیت۔ مقررین آں گشت انتکہ گوادر پورٹ ئُُ میگا پروجیکٹ ئِ درستیں ملازم آں گوادر، مکرانئُُ بلوچستان ئِ مردم آں ترجیح بہ دئیت۔ آئی ئَ گشتگ کہ ماہیگ گیر آں بزگی ئَ بچائینگ ئِ ھاتر ئَ دِگہ روزگار ماہیگ گیر آنی ھاترئَ جی ٹی ئِ بندئُُ بست بہ کن ات ئُُ ھستیں جی ٹی ئَ دراجی بہ دئیت۔ آئی ئَ لوٹ کرتگ کہ تاپی، آئی پی، ایل این جی پائپ لائن کجام صوبہ ئَ گوزیت ایشی ئَ صوبہ آنی حق منننگ بہ بیت ئُُ گوادرئَ ھندی مردم آنی سرا ھستیں پابندی ئَ ھلاس کنگ ئَ لڈ ئُُ بہر ئِ سرجمیں آزادی بہ دئیت۔ آئیئَ دِگہ لوٹ کرتگ کہ گوادرئِ مہلوک ئَ دارو درمان ئِ آسراتی، ڈنی ملک ٹیکنیکل ٹریننگ، ملک ئِ برزیں وانگی ادارگ آں مفت وانگ ئِ ھاتر ئَ سکالر شپس بہ دئیت۔
