اسلام آباد۔12جولائی (اے پی پی) مزن وزیر محمد نواز شریف ئَ آدینگ ئِ روچ ئَ گورنر گس لاہور ئَ کابینہ ئِ ھاسیں دیوان گوانک جتگ ایشی ئِ تہ ئَ مقبوضہ کشمیر ئَ گوں ترندی ئَ جاور آنی ھرابی ئِ بابت ئَ چار ئُُ تپاس گرگ بیت۔ دیوان ئِ تہ ئَ مقبوضہ کشمیری رھشون برہان وانی ئِ کوش ئَ پد مقبوضہ کشمیر ئِ ھرابیں جاور اٰل ئُُ کودکیں شہری آنی ھلاپ ئَ بھارتی سیکورٹی فورسز آنی ناروائی آنی تپاسی کنگ بیت۔ ایشی ئَ چہ پیسر مزن وزیر ئِ پرمان ئِ سرئَ بھارتی ہائی کمشنر ئَ را دری کارانی کارگسئَ لوٹگ بوتگ ءُ آئی ئَ چہ مقبوضہ کشمیر ئَ گشادی ئَ گوں ھراب بوھانیں بنی آدمئِ جاورھا ل ءُ بھارتی فورس آنی گیش بوتگیں زُلم نہ حقی ئِ ھوالگئَ پاکستانئِ نیمگئَ تکانسری ئِ درشانی کنگ بوتگ۔ ایشی ئَ ابید سلامتی کونسل ئِ دراھیں پکیں باسکانی سفیرآں ھم مقبوضہ کشمیر ئَ بھارتی سیکورٹی فورس آنی نیمگئَ چہ کشمیر آنی سرئَ زُلمءُ نہ ھقی ئِ ھوالگئَ سرپد کتگ۔ مزن وزیر محمد نواز شریف اے گامگیجانی ھوالگئَ کابینہ ئَ را گوں وت زور ایت ءُ اے جیڑھئِ سرئَ بانداتئِ لائحہ عمل ئَ ھم جوڑ کنت۔
