اسلام آباد۔ 12جولائی (اے پی پی) بنجائی وزیر خزانہ اسحاق ڈار و قومی اسمبلی ٹی قائد حزب اختلاف سید خورشید احمد شاہ نا نیام اٹ سے شنبے آ پارلیمنٹ ہاﺅس اٹی اوڑدہی مس ہراٹی الیکشن کمیشن نا تشکیل و ایلو سیاسی حالیت آتیا درشانِ خیال کننگا۔ سید خورشید احمد شاہ احوالکار آتا نمائندہ غاتون ہیت وگپ کرسا پارے کہ ننا ہیت وگپ خوشگوار چاگڑد اٹی مسنے و دا چرجوئی برجاءسلک۔ اوپارے کہ الیکشن کمیشن نا باسک آتا تعیناتی آ اپوزیشن ئِ پت اٹی ہلوئی ئِ و دا چرجوئی ٹی اینو(چارشنبے ) آ اپوزیشن راہشون آتون صلابت کننگک اوپارے کہ دامعاملہ غا اِرا مسہ دے آن گڈ وزیرخزانہ اسحاق ڈار تون دُوارہ اوڑدہی مریک۔ اومیت ئِ کہ بھاز زوت جاگہ نا جاگہ سیا سرمرینہ۔ وزیر خزانہ اسحاق ڈار پارے کہ نن الیکشن کمیشن نا باسک آتا پن تیا صلابت کرینن کوشست ئِ کہ دا معاملہ غا اپوزیشن تون اواری اٹ معاملہ غاک طے مریر اوپارے کہ 22می ترمیم ننے 25جولائی اسکان نا وخت ایتک اوکان مست دا کاریم ئِ پورو کننگک اوڑدہی ٹی خورشید احمد شاہ اسحاق ڈار تون وزیراعظم نا جان جوڑی آن بابت ہم ہریفے ہراڑآاسحاق ڈار پارے کہ اللہ تعالیٰ نا شکر ئِ کہ وزیراعظم نا طبیعت بھاز جوان ئِ۔
