کوئٹہ۔ 11جولائی ( اے پی پی) پریس کونسل آف پاکستان ئِ چیئر مین ڈاکٹر محمد صلاح الدین مینگل ئَ گشتگ انتکہ میڈیا چاگردے ئِ چم، گوش ئُُ دماگ انت۔ صحافی ترندیں ھبر آنی جاہ ئَ حق ئِ سرا ھبر ئُُ اُلسی مسئلہ آں زورگئِ ھاتر ئَ رپورٹنگ ئِ دود ئُُ ربیدگ ئَ دیمروی بہ دئینت۔ اے ھیال آنی درشانی آئی ئَ کوئٹہ پریس کلب ئِ نیمگ ئَ آھانی اعزاز ئَ داتگیں وش آتی دیوان ئَ تران کنگ ئَ کرتگ۔ا ے موہ ئَ کوئٹہ پریس کلب ئِ صدر شہزادہ ذوالفقار احمد، جنرل سیکرٹری خلیل احمد، بلوچستان یونین آف جرنلسٹس ئِ صدر حماد اللہ سیاپاد، پریس انفارمیشن ڈیپارٹمنٹ ئِ ڈائریکٹر عبدالمنان ئُُ سینئر صحافی آنی مزنیں کساس نندوک ات انت۔ ڈاکٹر محمد صلاح الدین مینگل ئَ گشتگ کہ بلوچستان نیم پاکستانئُُ ملک ئِ ھاسیں صوبہ انت۔ بلوچستان ئَ پریس کونسل ئِ زونل کار گِس اڈ دئیگ ئِ ھوالہ ئَ سر وزیر بلوچستان نواب ثناءاللہ زہری ئَ پنچ کروڑ کلدار ئِ گرانٹ دئیگ ئِ باروا مراسلہ دیم داتگ انت۔ آئی ئَ گشتگ کہ پریس کونسل آف پاکستان ئِ میڈیا ئِ ھوالہ ئَ اڈ داتگیں ضابطہ اخلاق ئِ سرا عمل کنگ ئِ ھوالہ ئَ بلوچستانئِ صحافی مئے گوں کمک بہ کن انت ئُُ اے سلسلہ ئَ آ زوت یونیورسٹی آنی شعبہ جرنلزم ئُُ روتاک آنی کار گِس ئِ تر ئُُ تاب کنگ ئَ پریس کونسل آف پاکستان ئِ اغراض ئُُ مکسد ئَ آھاں آگاہ کنت۔ ڈاکٹر محمد صلاح الدین مینگل ئَ گشتگ کہ پرکس کونسل صحافی آنی فلاح ئُُ بہبود ئِ ھاترئَ اڈ داتگیں ادارگ انت۔ ہمے ھاتر ئَ المی اے گپ انت کہ صحافی ئُُ پریس کونسل ئِ نیام اڈ دئیگئِ باروا دِگہ سوگو بہ کن ات۔ آئی ئَ دِگہ گشتگ کہ پریس کونسل آف پاکستان ئِ 18باسک انت ئُُ بنجاہی حکومت ئَ پریس کونسل آف پاکستان ئِ فنڈ دو کروڑ 90لکھ ئَ زیات کنگ ئَ چار کروڑ کرتگ انت کہ آ وشیں گام گیج انت۔ اے موہ ئَ کوئٹہ پریس کلب ئِ صدر شہزادہ ذوالفقار ئَ تران کنگ ئَ کوئٹہ پریس کلب آھگ ئِ سرا چیئر مین پریس کونسل آف پاکستان ئِ چیئر مین ئِ اولی بار کوئٹہ ئِ گچین کاری بلوچستانئِ صحافی آنی ھاترئَ اعزاز ئُُ فخر ئِ گپ انت مارا امیت انت کہ ڈاکٹر صلاح الدین مینگل پریس کونسل ئَ یک فعال ئُُ شریں ادارگ جوڑ کنگئِ ھاتر ئَ گوں ھواریئَ بلوچستان ئِ صحافی آنی ھاترئَ فلاح ئُُُ بہبود ئُُ آھانی مسئلہ آنی ھل ئِ ھاتر ئَ یک توانا توار چست کنت۔
