ہرنائی۔ 11جولائی (اے پی پی) عبدالستار ایدھی نا کمتی مدت آتے اٹ پورو مننگ کپک ، ایماندار نا راجی خذمت آک نن کن مشعل راہ ئُ مسکوہی صوبائی وزیر ڈاکٹر عطاءگل، مسکوہی صوبائی وزیر ڈاکٹر عطاءگل راجی راہشون امیر محمد غلزئی ئسک پاریر کہ راجی ہر است عزیز راہشون عبدالستار ایدھی نا راجی خذمت آتیا اودے پبی خراج عقیدت پیش کرسا پاریر کہ ملک اسہ بھلو ہستی اسینا محروم مسنے ہرانا مچ آ زند ڈکھیا انسانیت نا خذمت ئِ کرسا گدرینگا عبدالستار ایدھی کون آ عظیم انسانی صدی تے اٹ ودی مریک نن اونا نقش قدم آ چلینگسا ہی سرسہبی دوئی کننگ کینہ عبدالستار ایدھی نا راجی خذمت آک نن کن مشعل راہ ئُ ایماندار ملک انا عظیم سرمایہ ئسک او فک ایدھی خاہوت تون ہڑزخواہی نا درشانی ئِ کرسا دعا کریر کہ اللہ تعالیٰ ایماندار ئِ جنت الفردوس اٹی جاگہ ایتے و پدسلوک آتے صبر کننگ نا توفیق عطاءفرمائفے اوفک مستی پاریر کہ عبدالستار ایدھی نا مرک آن ودی مروک آ خلا مدت آتے اٹ پُر مننگ کپک۔
