ہرنائی۔ 11جولائی (اے پی پی) پشتونخوا میپ نا ضلعی سیکرٹری و چیئرمین میونسپل کمیٹی ہرنائی سید غفور شاہ پارینے کہ ہرنائی شار انا زیبائی کن وسیلہ غاتے ٹی سلسا غٹ وسیلہ غاتے کاریم اٹ ہتنگ انگ ئِ ساڑی آ مخلوط صوبائی حکومت صوبہ ٹی امن و ایمنی نا بحالی و تعلیم نا مون آ دننگ کن جنگی بنداو تیا گام گیج کننگ ئِ ہرنائی شار انا بنداوی ویل آتے ایسر کننگ کن ممکن کوشست کننگ ئِ الس ہرا پت انا درشانی ئِ کرینے اوفتے ٹھیس تفنہ ۔ داخیال آتا درشانی ئِ او تینا ہنکین آ عئید ملوک آ ڈل آتون ہیت وگپ کرسا کرے۔ اوپارے کہ میونسپل کمیٹی نا شونداری فنڈز ئِ الس نا شرحالی و اوفتا اجتماعی شون آ خڑچ کینہ و ہرنائی شار ئِ زیبا جوڑ کننگ کن غٹ تر وسیلہ غاتے کاریم اٹ اتینہ اوپارے کہ نن بے کچ چنکو وخت اسے ٹی ہرنائی نا اہم و بنداوی ویل آتے ایسر کننگ آ خصوصی توجوہ ترسا زیات تر دیرینہ ویل آتے ایسر کرین میونسپل کمیٹی نا فائر برگیڈ اسٹیشن نا اڈتننگ و فائر برگیڈ ، شار آن کچرہ تے ہرفنگ کن ٹیکٹر ٹرالی ، و ہرنائی شار آ ٹریفک نا زور ئِ کم کننگ کن ٹرانسپورٹ اڈہ ، و ہرنائی شار اٹی سوو سوزی مارکیٹ نا جوڑ جاڑی تون اوار ایلو اہم بنداوی ویل آتے بے کچ گونڈ ئُ وخت اسے ٹی ایسر کرینن اوپارے کہ داکان بیدس مخلوط صوبائی حکومت اٹی اوار پشتونخواہ میپ انا وزیر آک ضلع ہرنائی نا بنداوی ویل آتے ایسر کننگ اٹی پبی کمک کننگ ئُ۔ چیئرمین میونسپل کمیٹی سید غفور شاہ عئید انا دے نیزگار و بے سیبو ، چوری و جنوزان آتے ٹی عئیدی ہم بشخ و پانٹ کرے۔
