اسلام آباد۔ 11جولائی (اے پی پی) چین پاکستان اقتصادی راہداری نا اولیکو مرحلہ 2018 ءٹی پورو مریک ہرانا رداٹ ملک اٹی روڈ آتا ساڑی آ نظام ئِ پین گچین جوڑ کرسا واپاری و اقتصادی سرجزآتے ٹی ودکی ئِ باوری جوڑ کننگ مریک۔ وزارت ڈٹ بندی نا ذرائع نا رداٹ چین و پاکستان اقتصادی راہداری نا ڈٹ آتے زوت آن زوت پورو کننگ کن اواری اٹ کاریم کننگ ئُ۔ ہڑتوم آ ملک آتے دا ڈٹ انا اہمیت آن سمائِ ہرا ہڑتوم آ ملک آتون اوار اوار کل ڈیہہ ئِ راجی و اقتصادی شون اٹی کمکار ثابت مریک۔ چین پاکستان اقتصادی راہداری نا دیکی روٹ آ پوسکن آ روڈ آتا جوڑ جاڑ آن گوادر بندرگاہ آن چین نا دیکی صوبہ غاتسکان رکھوک انگا و گونڈ انگا کارگو آسراتی ہم دوبریک۔
