کوئٹہ۔ 11جولائی(اے پی پی) وزیر مملکت پٹرولیم و قدرتی وسیلہ جام کمال خان پارینے کہ پاک چین اقتصادی راہداری ڈٹ انا پوروی آن گوادر اٹی معاشی و صنعتی سرجزآتے ٹی ودکی و بلوچستان اٹی شون و شونہالی نا روشن دور انا بناءمریک ہرانا قومی سلامتی و یکجہتی آ گچین زئم تمک اقتصادی راہداری (سی پیک) ڈٹ اٹی چینی چائندار کارندہ غاتا رکھ اکن پاک فوج انا خصوصی سیکورٹی ڈویژن اس جوڑ کننگانے۔ صحافی تتون ہیت وگپ کرسا وزیر مملکت پٹرولیم و قدرتی وسیلہ جام کمال خان پارے کہ سی پیک ڈٹ انا رداٹ کراچی ئِ بلوچستان تون ملفنگ کن حب بائی پاس روڈ وزیراعظم محمد نواز شریف نا 13ئُ نیم ارب روپئی نا خصوصی فنڈ آن جوڑ جاڑ کننگک اوپارے کہ وزیراعظم محمد نواز شریف نا سروکی ٹی بلوچستان شون و شونہالی نا مزل نا کنڈآروان ئِ و دا ڈٹ آتے تخوک آ وخت اٹی پایہ تکمیل اسکان سرکننگک تانکہ سفر ئِ رکھوک و مسافت ئِ کم کننگ تون اوار اوار لسبیلہ نا الس ئِ کراچی و سندھ انا ایلو شار تسکان ہن و بر اٹی آسانی آن بیدس صنعت و حرفت ئِ مون آ دننگے۔ وزیر مملکت پٹرولیم و قدرتی وسیلہ جام کمال خان پارے کہ پاک چین اقتصادی راہداری ڈٹ انا پوروی آن گوادر بندرگاہ ڈیہہ ٹی گیٹ وے انا کڑد ئِ ادا کیک و سی پیک نا ڈٹ بلوچستان اٹی بے روزگاری و نیزگاری نا کچ اٹی کمتی تون اوار ملکی معیشت نا سوگوی و راجی و اقتصادی فائدہ غاتے یکجا کننگ نا ذریعہ جوڑ مریک وخت اس کہ پاک چین اقتصادی راہداری ڈٹ انا پوروی آن بلوچستان شون و شونہالی نا کسر آ روان مریک۔
