ڈیرہ مراد جمالی ۔ 10جولائی ( اے پی پی) نصیر آباد ئِ تحصیل تمبو ئِ پولیس تھانہ بابا کوٹ ئِ بندی جاھ ءَ چہ دو کیزی برات جستگ اَنت ڈی آئی جی ئَ گامیگج زُرتگ ءُ پٹءُ پول کنگءِ پرمان داتگ۔ نصیر آباد پولیس ئَ گشتگ کہ تحصیل تمبو ئِ پولیس تھانہ بابا کوٹ ئَ دو کیزی برات سفر خان ءُ اعجاز احمد کھوسہ دُزّی ءُ دگہ مقدمہ آنی تہا دزگیر بوتگ اَنت آ جستگ اَنت ۔ پولیس ئَ دمگءِ ناکہ بندی کتگءُ کیزیانی پٹءُ پول بندات کتگ۔ ڈی آئی جی نصیر آباد ریجن شرجیل کریم کھرل ئَ صحافی آناں ھال داتگ کہ پولیس تھانہ ئَ جستگیں کیزیانی ھوالگئَ جُستءُ پُرس جاری اِنت وھدے کہ وتی کارئِ تہا جان بڈی کنگءُ نظر گور نہ کنگئِ سببئَ تھانہ ئِ ہیڈ محرر شوکت علی ، سنتری محمد مراد، محمد مبین ، منظور احمد ءُ صفیل خان ئَ ھوار 5اہلکارانی ھلاپ ئَ مقدمہ درج کتگءُ آ دزگیر کنگ بوتگ اَنتءُ ایس ایچ او بابا کوٹ ئَ را 24کلاکانی تہا کیزیاناں دزگیر کنگئِ پرمان دیئگ بوتگ۔
