بھکر۔10جولائی ( اے پی پی ) کسانیں دپ جنگی ئِ سببئَ ناکو زتک ئَ تیر گواری کتگ ءُ دو برات کُشتگ۔ گیشیں معلوم داری ئِ تہا گشگ بوتگ کہ محمد امیر ءُ محمد اکبر ولد جلال خان محلہ عالم آبادئِ نندوک وتی ناکوزتک خان زمان ولد وارث ئِ ھمراھ گرین ٹاﺅن ئِ نزیک ریلوے لائن ئِ نیمگئَ رھادگ بوتگ اَنت کہ یک کسانیں گپے ئِ سرئَ آھاں دپ جنگی کتگ ءُ ےکے دومی ئَ را بد رد کتگ کہ ایشی ئَ پد خان زمان ئَ وتاس در کتگءُ تیر گواری کتگءُ محمد امیر ءُ محمد اکبر ئَ را کُشتگ ءُ موھئِ سرئَ چہ جستگ ، پولیس تھانہ صدر بھکر ئَ دوھیں جون بھرءُ برینی تپاسی ئِ ھاترئَ ڈی ایچ کیو نادراھ جاھ بھکر ئَ سر کتگ کہ وھدے پولیس تھانہ صدر بھکر ئَ خان زمان ئِ ھلاپ ئَ زیر دفعہ 302ئِ مقدمہ درج کتگءُ ایس ڈی پی او صدر سرکل ظفر بزدار ئِ سروکی ئَ ایس ایچ او صدر احمد عباس وتی ٹیم ءِ ھمراھی ئَ ملزم ئِ دزگیری ئِ ھاترئَ چھاپہ جنگ ئَ اَنت۔

متعلقہ مضامینمصنف کی طرف سے مزید