سٹین سٹڈ بالی پڑ ئِ سرئَ راجی اسمبلی ئِ دارچین سردار ایاز صادق ، پاکستانی ہائی کمشنر سید ابن عباس ءُ ہائی کمیشن ئِ دگہ حکام ئَ راھ داتگ
اسلام آباد۔09جولائی ( اے پی پی) مزن وزیر محمد نواز شریف شمبےئِ سُھبئَ لندنئَ چہ ڈیھ ئَ رھادگ بوتگ۔ سٹین سٹڈ بالی پڑ ءِ سرئَ راجی اسمبلی ئِ دارچین سردار ایاز صادق ، برطانیہ ئَ پاکستانی ہائی کمشنر سید ابن عباس ءُ ہائی کمیشن ئِ دگہ بازیں حکامے ئَ مزن وزیرئَ راھ داتگ۔ راجی اسمبلی ئِ دارچین اے وھدئَ برطانیہ ئِ سرکاری ترءُ تابئَ اِنت ۔ رھادگ بوھگئَ چہ پیسر وتی لوگئَ ھال درءِ گوما گپءُ تران کنانئَ مزن وزیر محمد نواز شریف ئَ گشتگ کہ اللہ تعالیٰ ئِ فضل ءُ کرمئَ چہ ڈاکٹر آن آئیئِ جانءُ سلامتی ئِ سرئَ سدکّی درشانی کتگ۔ مزن وزیرءَ آئی ءِ جانءُ سلامتی ئِ ھاترئَ راجئِ کتگیں دعا کنگئَ سرجمیں راج ئِ شگرءُ منت گپتگ۔ نامداریں بنی آدم دوست عبدالستار ایدھی ئِ بیرانیئِ سرئَ گپ کتگءُ مزن وزیر محمد نواز شریف ئَ گشتگ کہ ایدھی یک مزنیں مردمے بوتگ کہ آئی ئَ انسانیت ئِ ھاترئَ سک باز اِزمت داتگ۔
