بنی آدم آنی ازمت کار ءُ میاں اوستمانی نامداریں چاگردی ازمت کار عبدالستار ایدھی ئَ را ایدھی ویلیج ئَ کبرءُ کسارت کنگ بوتگ، نماز جنازہ نیشنل اسٹیڈیم ئَ وانگ بوتگ

کراچی ۔ 09جولائی ( اے پی پی ) انسانیت ئِ ازمت کار ءُ نامداریں چاگردی ازمت کار عبدالستار ایدھی پنچ شمبے ئِ روچئَ ھندی نادراھ جاھ ئَ دراج بھریں نادراھی ءَ پد بیران بوتگ۔ ھُدا مُرزی ئِ بچ فیصل ایدھی ئَ ھال داتگ کہ ھُدا مُرزی ئِ اُمبر کم ءُ گیش 92سال بوتگ ءُ یک ءَ چہ گیش نادراھیانی آماچ بوتگ،آ گُھٹگ ئِ نادراھی ئِ آماچ بوتگ ءُ سندھ انسٹیٹیوٹ آف ٹرانسپلانٹیشن (ایس آئی یوٹی) ئَ آئی ئِ ڈائلاسز بوھگئَ بوتگ۔ آئی ئَ گیش ھال داتگ کہ آئی ءِ پت ئَ را ساھ تینز بوھگءِ سببئَ ونیٹی لیٹر ئِ سرئَ کنگ بوتگ بلے آ دراھ نہ بوتگ ءُ بیران بوتگ۔ آئی ئَ ھا ل داتگ کہ واجہ ایدھی ءِ جون ئَ را غسل دیئگ ئِ ھاترئَ سہراب گوٹھ ئَ ایدھی سرد جاھ ئَ ایر کنگ بوتگ۔ آئی ئَ ھال داتگ کہ ھُدامُرزی عبدالستار ایدھی ءَ را شمبے ءِ رو چئَ ظہر ئِ نمازئَ پد ایدھی ویلیج ئَ کبرءُ کسارت کنگ بوتگءُ آئیئِ نماز جنازہ نیشنل اسٹیڈیم ئَ وانگ بوتگ۔ آئی ئَ ھال داتگ کہ واجہ ایدھی ئَ وتی کبر باز سالاں پیسر جوڑ کنائیتگ بوتگ۔ فیصل ایدھی ءَ ھال داتگ کہ واجہ ایدھی ئَ وتی ازگ دیئگ ئِ وصیت کتگ کہ تنا آئیئِ چم کارمرز بوتگ اَنت ھمے ھاترئَ آئی ءِ چمانی بُھرءُ برین کنگ بوتگ۔ آئی ئَ ھال داتگ کہ وصیتئِ ھسابئَ کہ واجہ ایدھی ئَ را کہ ھمے پوشاک پِر بوتگ اَنت ھمے گورءِ پوشاکاں گوں کبر کنگ بوتگ۔