اسلام آباد۔4جولائی ( اے پی پی) سرکاری ، درسرکاری ءُ جندی کارگساں دوشمبے ئِ روچئَ ملازم کم ساڑی بوتگ اَنت چیا کہ جاڑیں شہر اسلام آباد ءُ روالپنڈی ئَ نندوکیں شہری وتی دمگاںاعید ئِ کنگئِ ھاترئَ شُتگ اَنت۔ حکومتئِ نیمگئَ چہ 5جولائی ئَ تاں 8جولائی ئَ اعید ئِ موکلانی جار ئَ پد دورءُ دراج ئِ مردماں دوشمبے ئِ روچئَ را وتی موکانی تہا ھوار کتگ ءُ جمعہ ئِ بیگاھ ئَ وتی لوگاں رھادگ بوتگ اَنت۔ سرکاری کارگس ئَ کار کنوک کلیم عباسئَ ” اے پی پی “ ئَ را ھال داتگ کہ بازیں مردم جمعہ ئِ روچئَ وتی لوگاں رھادگ بوتگ اَنت۔ آئیئَ گشتگ کہ بازیں مردم رشئَ چہ رکھّگئِ ھاترئَ پیسرئَ چہ بکنگ کتگءُ لوگاں شُتگ اَنت۔ آئیئَ گشتگ کہ کارگساں حاضری باز کم بوتگ اَنت تنا ھما مردم کارگساں ساڑی بوتگ اَنت کہ آ اعیدءَ امیدئَ اَنت۔
