چکسواری (اسلام گڑھ) 04جولائی (اے پی پی) بُنجاھی وزیر اھوالکاری ئُُ شنگکاری سینیٹر پرویز رشید ئَ گوشت کہ پاکستان ئَ دیمروئی ئِ توامیں ھِشت آنی نام نواز شریف اِنت۔ پشاور ئَ چہ لاہور ئُُ گوادر ئَ چہ خنجراب ئَ تاں دگ ئِ جوڑ کنگ ئِ وشنامی نوازشریف ئِ نام ئَ اِنت ئُُ نوں لاہور ئَ تاں کراچی ئَ موٹروے ئَ کار جاڑی اِنت۔ اِچ کس گوشت نہ کنت کہ انرجی ئِ منصوبگ ئُُ موٹرویز دگ آنی کار ئِ تہ ئَ لُچی ٹگی کنگ بوتگ۔ آزات کشمیر فئِ اُلس وتی ووٹ ئَ چہ انساپ بکن اَنت۔ چوہدری مجید عزت ئِ وڑ ئَ بکن اِت ئُُ 21جولائی ئَ چہ پیسر مسلم لیگ (ن) ئِ اُمیت وار نذیر انقلابی ئَ را ھار گورا بدینت۔ چیا کہ 21جولائی ئَ بیلٹ بکس آں چہ ایوک ئَ شیر ئِ اکس در کپیت۔ اے ھیالانی درشانی آئی ئَ حلقہ ایل اے 2چکسواری (اسلام گڑھ) ئَ مسلم لیگ (ن) ئِ کارندہ آں گوں تران کنان ئَ گوشت اَنت۔ آئی ئَ گوشت کہ میر پور ئُُ سرجمیں آزات کشمیر ئِ اُلس دوستی ئُُ بیسہ ئِ مارا وامدار کتگ ، اے وام آرا راجی اِزمت ئَ گوں پیلو کناں۔ آئی ئَ گوشت کہ میرپور ئِ اُلس داتگیں کُربانی اِچ بے ھیال کنگ نہ بنت۔ آوانی کربانی آنی سبب ئَ لیٹ روک اَنت گونڈو وانگ جاھ ئَ رونت ، کارخانہ چلگ ئَ اَنت گڈا مردم بہ سر ئِ روزگار اَنت، بلے آزات کشمیر ئِ اُلس سالانی سال ئَ چہ میر پور ئِ اُلس ئِ کربانی آنی مُز ئَ دیگ ئَ نہ اَنت۔ آئی ئَ گوشت کہ شما پاکستان ئَ را رُژنا کتگ گڈا شمے کِرا تھاری مہ بوت اِنت، شمے وجہ ئَ چہ کارگاھ چلنت ئُُ مردم آناں روزگار ملئت گڈا شمارا روزگار ئِ ھاترا درملک ئَ روگ نہ کپیت۔
