چکسواری(اسلام گڑھ) ۔04جولائی (اے پی پی)بنجائی وزیر اطلاعات و نشریات سینیٹر پرویز رشید پارینے کہ پاکستان اٹی شون نا ہر خشت آ نواز شریف نا پن ئِ ، پشاور آن لاہور و گوادر آن خنجرآب اسکان شاہراہ تا سہرا ہم نواز شریف نا کاٹم ئِ و داسا لاہور آن کراچی اسکان موٹروے ہم ہِننگ ئِ ۔ ہچ گہس پاننگ کپک کہ توانائی نا ڈٹ و موٹرویز نا جوڑ جاڑ اٹی بدعنوانی مس۔ آزاد کشمیر نا الس تینا وونٹ اٹ انصاف کیر۔ چوہدری مجید عزت نا کسر اختیار کرسا 21جولائی آن مست مسلم لیگ (ن) نا اومیت دار نذیر انقلابی ئِ سرسہبی نا ہار ئِ بیرفیر انتئے کہ 21جولائی آ بیلٹ باکس آن صرف شیر پیش تمک۔ داخیال آتا درشانی ئِ او حلقہ ایل اے 2چکسواری (اسلام گڑھ) اٹی مسلم لیگ (ن) نا کارندہ غاتیان تران کرسا کرے۔ اوپارے کہ میر پور و کل آزاد کشمیر نا الس مابت و پت انا ہرا کڑز ننے آ واجب کرینو او کڑز ئِ خذمت نا ذریعہ اداکینہ۔ اوپارے کہ میر پور نا الس نا قربانیک است آن دننگ مفسہ ہرافتا نتیجہ ٹی ہراتم پاکستان اٹی بلف اس لگک تو چناک تعلیم حاصل کیرہ ، کارخانہ غا ک چلینگرہ تو خلقت آتے روزگار ملک ولے آزاد کشمیر اٹی سالہا سال آن میر پور نا الس ئِ اوفتا قربانی تا ہچ ئُ صلہ اس تننگ تو۔ اوپارے کہ نم پاکستان ئِ روشن کریرے تو داڑے بایدے تہاری مفروسس نا سوب آن کارخانہ غاک چلینگار و خلقت آتے روزگار ملا تو نے روزگار کن پیشن نا ملک آ ہنوئی ہلوکہ۔ اوپارے کہ آزاد کشمیر اٹی 1970ءآن گچین کاری نا ہرا عمل شروع مس دا 46سال انا وخت اٹی برسراقتدار جماعت آک الس ئِ مایوس کریر۔او وخت اٹی اقتدار سردار عتیق، سلطان محمودو پیپلز پارٹی نا دامون ایمون چرینگا و مسکوہی 5سال اٹی آزاد کشمیر و بنجا ٹی ہم پاکستان پیپلز پارٹی نا حکومت آک ئسر ولے مسکوہی پنچ سال اٹی بجلی نا پیداوار آ کاریم نا بناءمتو و داوخت اٹی پیپلز پارٹی اسہ یونٹ اس ہم بجلی ودی کتو۔ پاکستان اٹی دہشت گردی ئس و اسہ دے اٹی دہشت گردی نا کیہی کیہی واقعہ غاک پیش بسورہ۔ پیپلز پارٹی نہ بجلی ودی کرے و نہ ہی دہشت گردی نا چٹفنگ کن گام گیج کرے ۔ میر پور نا الس ئِ گیس اسکان تننگ تو و داسا خبر اف ہراباٹی وونٹ خوائنگ ئُ۔ بنجائی وزیر پارے کہ نواز شریف نا حکومت آزاد کشمیر نا حکومت ئِ 300 ارب روپئی تس ہرا اسہ جاگہ اس ہم آزاد کشمیر نا شون آ خڑچ نظر بفننگ ئُ۔ اودازر ئِ تین کن ریسٹ ہاﺅسز گاڈی ہلنگ و لندن نا دورہ غاتیا خڑچ کریر و 300 ارب نا جاگہ بنجاءاوفتے 600 ارب روپئی ہم تسکہ تو او دا پیسہ غاتے ہم کرپشن و لوٹ مار نا گواچی کریرہ ۔
