نیویارک۔ 04جولائی (اے پی پی) اقوام متحدہ نا سیکرٹری جنرل بان کی مون عراقی دارالحکومت بغداد اٹی تدوک آدے مروک آ بمب دھماکہ غاتا مذمت ئِ کرینے ہراٹی کیہی بندغ آک تپاخت و ٹھپی مسر۔ دوشنبے آ جاری کروک بیان اٹی اقوام متحدہ نا سیکرٹری جنرل دہشت گرد آتا کنڈآن عید انا شاپنگ اٹی اختہ خلقت آتے نشانہ جوڑ کننگ ئِ اسہ غیر انسانی فعل اس گوندا۔ سیکرٹری جنرل عراقی الس آن خواست کرے کہ او ملک انا اتحاد ئِ نسخان تننگ کن خلیس تالان کروک آ ہر کوشست ئِ مسترد کیر و حکومت آ زورشاغا کہ او دا جلہو آتے ٹی اوار بندغ آتے اوفتا کروک نا سزا ترفنگے۔ بیان اٹی اقوام متحدہ نا سیکرٹری جنرل بمب دھماکہ غاتے ٹی تپاخت و ٹھپی مروک آ بندغ آتا خاہوت عراقی حکومت و الس تون افسوزنا درشانی ئِ کرے و ٹھپی مروک آتا زوت جان جوڑی کن نیک است خواہی تا درشانی ئِ کرے۔
