اسلام آباد۔ 04جولائی (اے پی پی) پاکستان نا ٹیلی مواصلات نا بشخ انا درآمدات آتے ٹی مسکوہی مالی سال انا اولیکو 11توانا وخت 0.66درسد نا کمتی مسنے۔ پاکستان بیوروبرائے شماریات نا کنڈآن جاری کروک آ حساب وکتاب نا رداٹ جولائی 2015ءآن مئی 2016ءنا وخت جمی وڑاٹ اسہ ارب 25کروڑ 60لکھ ڈالر نا ٹیلی مواصلات درآمد کننگا وخت اس کہ اوکان مون نا مالی سال انا وخت اسہ ارب 26کروڑ 50لکھ ڈالر نا مصنوعات درآمد کننگاسس۔ اینخو نا سال مئی نا تو اٹی ٹیلی مواصلات آتا درآمدات آتے ٹی 10.38 درسد نا کمتی خننگانے و دا تواٹی 9کروڑ 92لکھ 27ہزار ڈالر نا مصنوعات درآمد کننگا وخت اس کہ اپریل 2016ءٹی ٹیلی مواصلات نا بشخ انا درآمدات 11کروڑ 7لکھ 15ہزار ڈالر ئسر۔
