اسلام آباد۔ 04جولائی(اے پی پی) نیشنل ہائی وے اتھارٹی نا ڈٹ آتے ٹی اولیکو اسہ سال اسینا وخت آ نجی بشخ انا کنڈآن 101ارب روپئی نا زرکاری کننگا۔ این ایچ اے نا ذرائع نا رداٹ ساڑی آ حکومت بنداوی ڈھانچہ نا شون انا ڈٹ آتے خصوصی اولیت نا وڑاٹ پورو کننگ ئِ و موٹرویز نا بھلا ڈٹ آتا پوروی آن ملک اٹی اقتصادی شون نا اسہ پوسکن ئُ دوراسینا بناءمریک۔ حکومت 2025ءاسکان مچ آ ملک اٹی روڈآتے تالان کننگ خواہک ولے دا کاریم نجی بشخ انا کمک و کمکاری آن ہی مننگ کیک۔ ذرائع نار داٹ بجٹ اٹی جتا کروک زر آن 50درسد روڈ آتا گرج آتے پورو کننگک وخت اس کہ ایلو کاریم نجی بشخ انا کمکاری آن پورو کننگ نا پروگرام ئِ۔ دامسخت کن سرکاری و نجی بشخ انا شراکت ئِ ودفنگک۔ داچرجوئی ٹی کراچی، لاہورموٹروے نا 296کلو میٹر سریس حیدرآباد سکھر سیکشن و اسلام آباد کوہاٹ ہائی وے این 80نا 35کلو میٹر سریس ترنول فتح جنگ سیکشن تون اوار ایلو ڈٹ آتے ہم گڈیکو دروشم تننگ انگ ئِ ۔
