انجینئر آنی جون آھانی پتءُ پیروکی دمگاں سر کنگئِ ھاترئَ گشادیئَ گوں بندوبست کنگئِ پرمان
اسلام آباد۔ 3جولائی ( اے پی پی ) مزن وزیر محمد نواز شریف ءَ تربیلا ڈیم ئِ توسیعی منصوبہ ئِ تعمیراتی کارئِ تہا بیرانئِ بوتگیں چینی انجینئر آنی ھانداں گوں دلپدردیئِ درشانی کتگ۔ یک شمبے ئِ روچئَ مزن وزیر گس ئِ نیمگ ئَ چہ شنگ بوتگیں بیان ئِ تہا مزن وزیر محمد نواز شریف ئَ ھمگرنچیں حکامئَ را پرمان داتگ کہ بیران بوتگیں انجینئر آنی جون آھانی پتءُ پیروکی دمگاں سرکنگئِ ھاترئَ گشادیئِ گوما بندوبست کنگ بہ بیت۔ مزن وزیر محمد نواز شریف ئَ پاکستان ئِ تہا کار کنوکیں دگہ چینی انجینئر آنی رکھینگ ءُ گہتری ءِ ھاترئَ گامیگج کنگ ئِ پرمان داتگ۔ مزن وزیر ئَ پاکستان ئِ تہا بنکی ڈھانچہ ءُ توانائی منصوبہ آنی سرجمی ئِ تہا چینی انجینئرز ءُ زانت کارانی کردئَ را ساڑاتگ ءُ گشتگ کہ حکومت پاکستان ءُ پاکستانی اُلس ملکئِ دیم روئی ءُ وشھالی ئِ تہا وتی کردے پیلو کنگئِ سرئَ اُلسی جمہوریہ چین ئِ حکومت ءُ اُلسئِ سک باز منت وار اَنت۔
