ملک انا کیہی علاقہ غاتے ٹی ہندا ہفتہ نا وخت بشام نا پین پرتا پیشنگوئی

اسلام آباد۔ 29جون (اے پی پی) ملک انا کیہی علاقہ غاتے ٹی ہندا ہفتہ نا وخت بشام نا پین پر تا اومیت ئِ ۔ محکمہ موسمیات نا رداٹ ملک انا گیشتر علاقہ غاتے ٹی تیرمہ پین مرطوب سلک واہم کوئٹہ، ژوب، قلات،سبی، نصیرآباد، مکران ڈویژن، سکھر ، لاڑکانہ ، میر پور خاص ، حیدرآباد، شہید بے نظیر آباد، کراچی ڈویژن اٹی جاگہ جاگہ وخت اس کہ راولپنڈی ، گوجرانوالہ ، لاہور ، سرگودھا، فیصل آباد، بہاولپور، ملتان ، ڈی جی خان، اسلام آباد ، فاٹا و کشمیر اٹی منہ ہند آتیا ترند تہو/آندھی و ہورہ و گروک تون پین پر انا گمان ارے و داوخت آ منہ ہند آتیا موسلادھار پر انا ہم اومیت ارے۔ تدوک آ24گھنٹہ غاتا وخت کراچی نا کیہی علاقہ ناظم آباد، 32، گلستان جوہر24، مسرورم، گلشن حدید17، صدر، شاہ فیصل 15، لانڈھی ، و سندھ انا تہہ ٹی شہید بے نظیر آباد40، حیدرآباد18 ، مٹھی ، چھاچھرو ، میر پور خاص 6، چھور4، بدین ، ٹھٹھہ 02، و بلوچستان نا کیہی ضلع لسبیلا16، قلات8، ژوب4، پنجاب اٹی بہاولپور10، مری 2۔ خیبر پختونخوا نا علاقہ غاتا لام 6، دیر 2فاٹا ، پاراچنار40وخت اس کہ کشمیر کوٹلی ٹی اسہ ملی لیٹر پر ریکارڈ کننگا۔