اسلام آباد۔ 28جون ( اے پی پی) وزیر داخلہ چوہدری نثار علی خان ئَ گشتگ انت کہ پاکستان ئُُ فرانس ئِ ھواریں مفاد آنی پجارینگ ئُُ سیکورٹی ئِ ھواری ئَ ھستیں لہتیں چیلنج آنی سرا دست گرگ ئِ ھاتر ئَ المی انت کہ دوئیں ملک آنی نیام ئَ سوگو کمک ئِ دگہ دیمروی ئِ ھاتر ئَ سکیں گام گیج بہ کن ات تنکہ یکجا گپ ئُُ مہارت ئَ سرجمیں وڑئَ پائدگ بہ زرت کن انت۔ آ سے شمبے ئَ فرانسیسی سفیر مارٹین ڈورنس ئِ گوں گند ئُُ نند ئِ وھد ئَ گپ ئُُ تران کنگ ئَ ات ۔ وزیر داخلہ ئَ گشتگ کہ انتہا پسندی ئُُ نا شرکاری ئِ ھلاپ کمک دوئیں ملک آنی ھواریں مفاد ئَ انت۔ آئی ئَ گشتگ کہ سیکورٹی ادارگ آنی ھواری ئَ پولیس ئِ استعداد زیات کنگ ئِ سلسلہ ئَ دوئیں ملک آنی نیام ئَ برجاہ کمک وش انت آئی ئَ دِگہ محکم کنگ ئِ ضلورت انت۔
