اسلام آباد۔ 28جون (اے پی پی) فاٹاآن قومی اسمبلی نا باسک و پاکستان مسلم لیگ (ن) نا راہشون محمد نذیر خان پارینے کہ اوغانستان اٹی امن نا اڈتننگ ساڑی آ حکومت نا اولین اولیت آتے ٹی اوارے۔ سے شنبے آ اسہ انٹرویو اسے ٹی اوپارے کہ ہڑتوم آ ملک آتا نیام اٹ 25سد کلو میٹر مرغن سیم انا چاروکی و اونا رکھ بے کچ المی ئِ ۔ اوپارے کہ اسہ بھلو وخت اسیان سیم آ بیدس چیکنگ نا ہن وبر نا سوب ویل آتے ٹی ودکی مسنے ، ہڑتوم آ ملک آتا نیام اٹ سیمی جھیڑہ غاتے مذاکرات نا کمک اٹ ایسر کروئی مرے۔ اسہ سوج انا ورندی اسیٹی اوپارے کہ ہر تواٹی اسہ اِرا وار قطبی وزیرستان آ کاوہ و ہموڑے امن وایمنی نا حالیت آتے ٹی نمان گچینی بسنے۔
