اسلام آباد۔27جون ( اے پی پی) تہی کارانی بنجاھی وزیر چوہدری نثار علی خانئَ ایس پی سٹی گوندل ئَ چہ ہوٹل انتظامیہ ئَ را بے شرپ کنگءُ منیجر ئَ را بے کانودی ئَ دزگیر کنگئِ سرئَ آئی ئِ عہدگ پچ گپتگ۔ تہی کارانی وزارتئِ نیمگئَ چہ جاری کتگیں پریس ریلیز ئِ تہا گشگ بوتگ کہ یک شہریے ئَ تہی کارانی بنجاھی وزیرئَ را ھال سر کتگ کہ رضوان گوندل ئَ یک مزنیں فائیو سٹار ہوٹلے ءِ تہا جاکءُ کوکار کتگ ءُ ہوٹل ئِ انتظامیہئَ را بے عزت کتگ۔ ھمے پولیس افسرئَ کسانیں گپے ئِ سرئَ ہوٹل منیجر ئَ را دزگیر کتگ ءُ باز دیراں وتی گورئَ داشتگ۔ بنداتی جُستءُ پُرسئِ تہا جرم پکّہ بوھگءِ سرئَ تہی کارانی وزیر ئَ ایس پی ئِ ھلاپئَ تچک ئَ تچک کاروائی کنگ ءُ زوتاں چہ زوت اسٹیبلشمنٹ ڈویژنئَ رپورٹ کنگئِ پرمان داتگ۔
