سینئر تجزیہ کار رسول بخش رئیس ءُ ڈاکٹر پرویز اقبال ئِ ریڈیو پاکستان ئِ مراگش حالات حاضرہ ئِ تہا ھیال ءُ لیکہ ئِ درشانی
اسلام آباد۔27جون ( اے پی پی) سینئر تجزیہ کار رسول بخش رئیس ئَ گشتگ کہ پاکستان ئَ گہتریں سفارتی ءُ خارجہ پالیسیئِ جوان بوھگئِ سببئَ شنگھائی کمک گل ئِ سرجمیں باسک جوڑ بوتگ۔ ریڈیو پاکستان ئِ مراگش حالات حاضرہ ئِ تہا گپ ءُترا ن کنانئَ آئیئَ گشتگ کہ باسک جوڑ بوھگئَ پد پاکستان خطہ ئِ تہا استیں تنظیم ئِ دگہ باسکیں ملک آں گوں جوانیں سیادی جوڑ کُت کنت۔ اے موھئِ سرئَ سینئر تجزیہ کار ڈاکٹر پرویز اقبال ءَ گشتگ کہ پاکستان گہتریں دری پالیسی آنی سرئَ عمل کنگ ئَ اِنت کہ ایشی ئِ شریئَ چہ آئی ئَ شنگھائی کمک تنظیم ئِ سرجمیں باسکی زُرتگ۔ آئی ءَ گشتگ کہ شنگھائی کمک تنظیم ءِ باسکیں ملک ناشرکاری ءِ ھلاپ ئِ جنگئَ پاکستانئِ سوبمندیاں چہ تجروبت زُرت کن اَنت۔
