اسلام آباد۔27 جون (اے پی پی) بشامی تہوک پدریسہ پاکستان اٹی پترینگ انگ ئُ ہرا ملک انا کیہی علاقہ غاتے ٹی پر انا سوب جوڑ مریرہ وخت اس کہ کراچی ٹی سمندری تہوتا بند مننگ آن حبس انا شدت اٹی ودکی مریک۔ محکمہ موسمیات بروک آ 48 گھنٹہ غاتا وخت سندھ ، بلوچستان، پنجاب، خیبر پختونخوا ، فاٹا و کشمیر اٹی جاگہ جاگہ آندھی، ترند تہو و ہورہ و گروک تون بشامی پرتا پیشن گوئی ئِ کرینے ۔ رپورٹ نا رداٹ مکران، قلات، سبی ، نصیر آباد ڈویژن اٹی گیشتر ہند آتیا وخت اس کہ راولپنڈی، گوجرانوالہ، لاہور، سرگودھا، فیصل آباد، ساہیوال ، بہاولپور، ملتان ، ڈی جی خان ڈویژن ، اسلام آباد، میر پور خاص، حیدرآباد، کراچی، سکھر ، شہید بے نظیر آباد ڈویژن، ہزارہ، مالاکنڈ، پشاور ، کوہاٹ ، مردان ، بنوں ، ڈی آئی خان ڈویژن ، فاٹا، کوئٹہ ، ژوب ڈویژن ، کشمیر و گلگت بلتستان اٹی جاگہ جاگہ آندھی، ترند تہو و ہورہ و گروک تون پر انا گمان ئِ۔ منہ ہند آتیا ترونگڑنا ہم گمان ارے ۔ محکمہ موسمیات نا رداٹ تدوک آ 24گھنٹہ نا وخت ملک انا گیشتر علاقہ غاتے ٹی موسم گرم و خشک سلیس۔ واہم سرگودھا، گوجرانوالہ، راولپنڈی، مالاکنڈ ، کوئٹہ ڈویژن، کشمیر، اسلام آبادو فاٹا ٹی منہ ہند آتیا ترند تہو و ہورہ و گروک تون پِر مس۔ غٹ آن زیات پر پاراچناراٹی 50 ملی میٹر، دیر 2، سرگودھا، 56، چکوال16، اسلام آباد6، منڈی بہاﺅالدین 12، کوٹلی 4، و بارکھان اٹی اسہ ملی میٹر ریکارڈ کننگا۔
